Sorkar Doctor te'n lungawi lohna lantirnan July 10 leh 11 hian badge dum bel dawn

• Thu lawmawm a awm loh chuan July 13 - 15 chhungin chawlh lak tum!

Aizawl | July 8, 2023: Mizoram Govt. Doctors' Association (Mizoram Health Service) member ten July ni 10 leh 11, 2023 ah lungawilohna lantir nan an hnathawhna hmun țheuhah badge dum an bel dawn.

Mizoram Govt. Doctors' Association chuan sorkarin a din, Addl CS Chairman na MHS restructuring committee-in kum khat kaltaa a recommend tawh te tun thlenga a la hlawhtlin loh avanga lungawilo an nih thu an sawi.

 He committee-in a recommend tawh te chu tihlawhtling thuai turin sorkar an ngen.

Sorkar atanga hmalakna lawmawm an hmu lo a nih chuan July ni 13-15, 2023 chhungin sorkar hnuaia thawk doctor zawng zawngin chawlh lak an tum nia sawi a ni bawk.

Mizoram Health Service hmasawnna tur atana thil tul zualte chu sawrkarah MGDA in chuan an thlen thin a, an beisei ang hmalakna engmah a awm loh avangin Feb 2022 ah lungawi lohna lantir an tum a. Sawrkar ngennna anginnan ṭhulh a. Sawrkarin MHS Restructuring chungchang ngaihtuah turin ni 17.2.2022 khan Committee a din ta a ni. Chairman-ah Addl CS niin Member Secretary atan Secretary, DP&AR a ni a. Member-te chu Principal Secretary, Finance leh Secretary, H & FW an ni. Thla thum chhunga recommendation thehlut tura tih an ni. 

"MHS Restructuring na tura MGDA thil phut leh Committee-in a recommend takte hi hlawh tihsanna lam tur th ni lovin, Sawrkar tha tichak tura post siamrem (convert), thuneihna inkhaidiat tihdik, post awm si loa mihring awm sa site tana post thar siamte chu a tlangpui a ni a. Sawrkarin sum a sen belh a ngai a nih pawhin, Zirchiangtu Committee te ngei sawi danin, 'negligible' a ni, sawrkar sum hek duaina tur thil a ni lo," niin tarlan a ni.

MGDA Emergency General Body meeting, ni 5.7.2023 a neih chuan, an service hmasawnna tur sawrkar hian ngaihtuah duh tak tak loin a tikhawtlai kual vel mai mai niin a ngai a. Sawrkar din committtee sangin recommendation a thehluh zawng zawngte chu a rang thei ang bera a zavaia tihhlawhtlinsak turin sawrkar an phut tlat a ni.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ