Aizawl | July 29, 2023: Mizoram Rajya Sabha MP MP K Vanlalvena chuan vawiin khan Manipur buaina avanga hliam tuar MLA Vungzagin Valte chu Delhi-a an in luahah kan.
K Vena hian Vungzagin vawiin khan Delhi-a an in luaha tlawhin, an dinhmun te a hmuhpui a, che chhuak leh mai thei tur hmel a put loh thu a sawi a. Chaw pawh barh a la ngaih thu a sawi niin Bengvarna.com chuan a tarlang.
MLA Vungzagin Valte hi Manipur buai tan tirh khan CMO atanga haw tur chu misual rual kut turin a hliam na hle a, Delhi-ah hun rei tak enkawl a ni tawh a ni.
A tir phei chuan a nunna pawh chhan theih loh tur ang hialin thu a thang hman a, mipui a barakhaih hle a ni.
Vungzagin Valte hi Pherzawl district chhunga Thanlon bial atanga MLA atana thlan tlin niin, BJP MLA a ni. BJP Sawrkarna hnuaiah BJP MLA pawh zuah lova, Zohnahthlak a nih vanga thi lo ruanga sawisak a ni hian mipui rilru a khawih tak zet a ni.
Vungzagin hi May 4 tlai khan beih a ni a, Manipur CM Biren Singh a hmu zo a haw lam, ama chenna lam a pan mek laia beih tawk a ni a. RIMS Imphal-ah enkawl a nih hnuin Delhi-ah enkawl leh a ni.
Vungzagin Valte hi manipur Politician hriathlawh tak niin, Tribal Affairs minister pawh a lo ni tawh a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: