Aizawl | July 29, 2023: Vawiin ni 29.07.2023(Inrinni) chhun dar 12:00 khan Synod Committee Room No.1 ah MPF kaihhruainain MPF leh Political Party te inthlan chungchanga thawhhona thuthlung hman tan hun chungchang sawiho a ni a, Rev Dr C. Chawnghmingliana, President, MPF Gen. Hqrs in a kaihruai.
Inkawmhonaah hian kumin February 28,2023-a MPF leh Political Party ten inthlan chungchanga thawhhona thuthlung a lo pawm tawh hman tan hun chungchang sawiho a ni a. Hetiang hian thutlukna siam a ni.
1. Thawhhona Thuthlung pumpui hman hun atan MPF leh Political Party ten Thawhhona Thuthlung an lo pawm tawh ni, February 28,2023 nise tih a ni.
2. Hetihlai hian Thuthlung No.2(2) a House to House campaign phalloh chungchang erawh chu Election Commission of India (ECI) in Inthlan hun a puan atanga hman tan nise tih a ni.
He hunah hian Political Party hrang hrang - BJP, MPCC, PC, ZPM aiawh mi 2 theuh leh MNF aiawh mi 3 an tel a; MPF Governing Board member 17 an tel bawk.
Rev Dr C. Chawnghmingliana, President, MPF Gen. Hqrs chuan, MPF leh Political Party ten thawhhona thuthlung kan buatsaih hi keimahni hming ziah hnan ngei a nih avangin a hlawhtlin theihnan theihtawp chhuah tlang turin a chah.
Rev Lalramliana Pachuau, Gen. Secretary, MPF Gen. Hqrs pawhin Party hruaitute chu thawhhona thuthlung hi mahni party chhungah leh mipuiah a theih ang anga lo thehdarh tur leh tan la turin a ngen bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: