Pukpui khamah Cement phur truck tlan liam!

Lunglei | July 23, 2023: Nizan dar 9 bawr vel khan Zotlang leh Pukpui ram inrina bul Pukpui ram lam hlekah Cement phur motor lian a tlan liam a, vanneihthlak takin mihring chuang an awm lo.

Thu dawn danin nizan khan Cement bag 700 phur truck lian hi helai kawng chhukah hian dingin eirawngbawl an tum a. An chhuk fel tihah motor hi a lir ta mai niin thu dawn a ni.

Pukpui khawtlang leh Zotlang khawtlang ten nizan lama an ruahman dan chuan khua te lo var phawt sela hnatlang koin Cement a theih ang ang lakchhuah sak an tum a. Mahse tukina a hmuna chhuka an han enchian chuan nizan ruahsur nasa tak khan Cement hi a nan chhe hman a, a lo char hman tawh avangin lakchhuah in awmzia a neih loh bakah hman tlak a nih tawh loh avangin vawiina hnatlang thawkchhuak tura rel pawh țhulh leh a ni ta a ni.

- Gilbert Renthlei