• Manipur mipuite chu buaina titawp a, chi leh hnam inthliarna dahbo turin phut.
Aizawl | July 27, 2023: Mizoram University Teachers’ Association (MIZUTA), Mizoram University Non-teaching Employees Association (MUNTSA) leh Mizoram University Students’ Council (MZUSC) tangkawp chuan July 27, 2023 khan MZU Auditorium kawtah Manipur-a zohnahthlak-te thlavang hauhna leh tawrhpuina hun an hmang.
He hun hi MIZUTA President Prof. John Zothanzama'n a kaihruai a. MIZUTA, MUNTSA leh MZUSC bakah MZU Meitei Faculty aiawh ten thusawina hun hmangin, Manipur-a thil thleng chu an dem thu leh Central leh State sawrkar chu he buaina chingfel vat tur leh boruak ralmuang zawk a awm thuai theih nan a hma la tur in an phut a ni.
He hunah hian Manipur-a zohnahthlakte tawrhna tawmpui nan minute khat chhung ngawi renga dinga hun hman a ni a. MZU zirlai, zirtirtu leh staff thahnem tak pungkhawmin he hun hi an hmang a ni.
He hunah hian resolution pathum an pass;
• Sawrkar laipui leh state sawrkar in Manipur-a remna leh muanna a awm theih nan hma la thuai rawh se.
• Manipur buaina thlentu leh pawikhawihtute man chhuaka dan anga an phu tawk hremna pek ngei ni rawh se.
• Manipur mipuite chu buaina titawp a, chi leh hnam inthliarna dahbo turin phut.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: