Aizawl | July 4, 2023: Mizo Zirlai Pawl (MZP) General Headquarters leh Mizo Students Union (MSU) General Headquarters chuan vawiin khan Mizoram Assembly Secretariat hnuaia hna laka thil fel tawk lo a awm nia sawi an chhui zuina kal zel sawi hovin, Assembly Secretariat thuneitute chu July 6 ral hmaa hnalakna order chu cancel tuin an ngen.
MZP leh MSU hruaitute hi Mizoram Assembly Secretariat hnuaia hna laka thil fel tawk lo a awm nia sawi an chhui zuina kal zelah vawiin khan MSU Pisa Pui-ah an thukhawm a. Assembly Secretariat thuneitute chu July 6 ral hmaa hnalakna order cancel tura ngenin, an hun tiam chhunga hnalakna order cancel a nih loh chuan Mizoram Legislative Assembly Secretariat Pisa tualah zirlai punkhawm an rel.
Mizoram Legislative Assembly Secretariat hnuaia thawk tur - translator, assistant, LDC leh UDC- tunhnaia lakah thil fel tawk lo leh chhungkhat laina, vua leh vang induhsakn
a uchuak a awm nia sawi chu MZP leh MSU chuan ngaihven zuiin, hemi chungchangah hian nimin lam khan a hran ve ve in thuneitute pawh an lo hmu tawh a ni.
a uchuak a awm nia sawi chu MZP leh MSU chuan ngaihven zuiin, hemi chungchangah hian nimin lam khan a hran ve ve in thuneitute pawh an lo hmu tawh a ni.
Vawiina MZP leh MSU hruaitute thukhawm chuan Mizoram Legislative Assembly Secretariat hna lak dan kalphung leh document hrang hrangte zirchiangin, Assembly Commissioner & Secretary pawh a Pisa-ah an hmu nghal a. Thil awm dan te an zawhfiah hnu ah hnalak kalpui danah thil fel lo a awm ngei nia an hriat thu an sawi bawk.
MZP leh MSU thukhawm chuan, Zirlai lehkhathiam, tling leh tlak ten an thiamna phu tawk an hmuh theih nan leh dik leh felfai taka hna an hmuh theih chu an duh ber a ni a. Zirlai hna zawng mekte tibeidawng zawnga hnalak kaloui a ni chu hriatthiam har an tiin mawhphurtute an dem tak zet a ni. MZP leh MSU chuan hetiang thil hi Mizoram chhung hnalak reng rengah thleng nawn tawh lo se an duh tih thuchhuah siamin an tarlang.
Zirlaite dikna chanvo humhalh a nih theih nan a tul angin Zirlai pawl joint meeting chuan hmal lak zel an tum a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: