MNYF in raltlan tanpuina hlan; Manipur tualchhung buaina avanga kan unaute rum ri chuan Zofate rorelna pakhat hnuaia kan awm hun tur min nghahhleh zualtir hle a ni - MNYF Vice President

Aizawl | July 4, 2023: Mizo National Youth Front (MNYF) Headquarters, Extended meeting-in a lo rel tawh angin vawiin July ni 4, 2023 (Thawhlehni) khan  MNYF Headquarters chuan Manipur aṭanga Mizorama râltlante ṭanpuina a semchhuak.

MNF Ṭhalai Headquarters-in Manipur râltlante ṭanpuina a sem chhuah thawhkhatna ah hian Tuirial Airfield vênga râltlante khawsakna hmun tlawh a ni a, he lai hmunah hian raltlan mi 100 bawr vel awm in, an zingah hian naupang 60 vel an tel a ni.

Manipur râltlante puala ṭanpuina sem inkhawm tawi hmanna ah MNYF Vice President Pu Zodinpuia chuan, "Manipur hian thildang aia a mamawh hmasak chu remna a ni," a ti a. Remna leh muanna a awm theihna tura sawrkar laipui hmalâkna leh Manipur sawrkar chet dàn erawh chu an duh khawp lo hle tih sawiin, nu nau mangang inhumhimna zawnga Mizoram rawn belte riltâma an awm loh nan Mizoram sawrkar, tlawmngai pawl leh kohhran te'n theihtawp an chhuah zel thu a sawi a ni. 

Pu Zodinpuia chuan, Manipur-a Zohnahthlâk kan unaute kiangah MNF a din reng thu sawiin, Mizoram sawrkarin râltlan te puala sorkar laipui a ṭanpuina a dilte chu engmah hmuh la nilo mahse Mizoram a an awm chhung chu an nghei loh tur thu a sawi a. Khawvel hriat ah hnam anga kan dam khawchhuah theih nan tuna harsatna kan tawh hian lungrualna tlângah Zofate min hruaikhawm se tih chu Mizo mipuite beisei leh duhthusam a ni, a ti. Manipur tualchhung buaina avanga kan unaute rum ri chuan Zofate rorelna pakhat hnuaia kan awm hun tur min nghahhleh zualtir hle a ni, a ti bawk.

Vawiina MNYF Headquarters-in Tuirial Airfield venga râltlante chenna hmun an tlawhna ah hian MNYF Treasurer Pu H.Lalroliana chuan râltlante ei tur buhfai leh ei tur dang chi hrang hrang ṭhahnem tak a hlan a ni.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ