Aizawl | July 21, 2023: Aam Aadmi Party Mizoram chuan Manipur-a thil thleng chungchanga sorkar laipui hmalakna duh khawp lohna lantir tumin vawiin khan BJP Office, Atal Bhawan Upper Republic bulah an kalkhawm a. He hunah hian AAP Mizoram leh BJP Mizoram Pradesh -te chu an innawr buai a, buaina lian tham erawh a thleng lo.
Mizoram Aam Aadmi Party te chuan tun laia Manipur-a thil thleng chuangchangah BJP kaihhruai sorkar laipui chu hma la tha lo nia an hriat avangin an President hovin BJP pisa bulah hian lungawi lohna lantir tumin an pungkhawm a, hei hi Mizoram BJP-te chuan phal lovin, kal sawn turin an ti a, tharum hmangin an innawr buai a, Mizoram Police-ten dangin buaina lian tham erawh a chhuak lo a.
AAP hotute chuan buaina siam an duh loh thu leh buaina siam tuma kal khawm an nih loh thu te, Mizoram BJP ni lo Central-a BJP-te laka lungawi lo an nih thu an sawi a ni.
Mizoram BJP-te erawh chuan an pisa tuala lungawi lohna lantir tuma an pungkhawm chu an hrethiam loh tih sawiin, hetianga AAP chet dan hi dan palzutna a ni an ti a, hemi chungchangah hian Aizawl Police Stationah FIR an thehlut a ni.
BJP Mizoram State President Pu Vanlalhmuaka chuan Mizoram AAP te Mizo hnam nun ze mawi tichhe lo tur leh tidal zawnga che lo turin a duh tih a sawi a, hnamdang tihdan ṭhalo hmanga mipui fuihpawrh chawp tuma, mi office tual zawla buaina cho chhuak zawnga nawrh dan Mizorama seng lut lo turin a chah a, Mizo Kristian takin AAP chen thiam turin an chah bawk tih a sawi a ni.
Pu Vanlalhmuaka chuan Prime Minister Narendra Modi-a'n tun hnaia Manipur-a Vaiphei unau hmeichhiate chunga thil thleng chu pawi a tih thu sawi a ni a ti a. Mihring pangngai tu pawhin Manipur-a thil thleng chu an demin zahthlâk an ti ang a. State tin Chief Minister te Dan leh Thupek kenkawh kawng ah chak lehzual a kengkawh turin a chah thu leh a bik takin hmeichhia te tan phei chuan venhimna a tha lehzual tur a ni a tih tih a sawi bawk a.
Pu Vanlalhmuaka chuan Manipur hmeichhiate chunga thil thleng chu ngaihdam theih a ni loh thu leh thil sual ti tu te hrem lohin an chhuak lo ang tih chu BJP- Mizoram chuan ṭha an ti tih sawiin hetihlaia Mizo in an tih ngai lem loh mipui fuihpawrh tuma, an party Office kawta, an pu te tih lawm tum a nawrhna an huaihawt chu Mizo nun zemawi tihchhiat tumna leh tih dal tumna hmanrua a ti.
-AIR
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: