LUSUNNA HI THILPEK A NI

 _I kawng zawh lai zawh chhuah dan_

— Rick Warren 

— July 12, 2023

“Lungngaite chu an eng a thawl e, thlamuanin an la awm dawn si a.” Matthaia 5:4

Lusunna hi hringnuna kan hmachhawnah chuan tuar hrehawm ber a ni. Kan rilru pawtpeng nasa thei ber a ni a. Engtin nge nangmahah a thawh ve le? 

Lusunna hi hringnun i kal chhoh zelna tura Pathian hmanrua a ni. I lusunna avangin i lungngai lo a nih chuan, engemaw laiah i la tâng tihna a ni. Mi thenkhat chu kum 14 emaw 28 emaw 45 ah emaw an la tang a, a chhan chu an chhungkuaah thihna a la thlen loh vang te a ni a, chutah chuan an la tang a ni. Lusunna la paltlang lo kan nih chuan thawpiknate  hlauhnate leh mahni indahhniamnate kan hmaah a la awm tihna a ni.

Isuan engmah tihsual a nei lova, nimahse, a lungngai ve tho mai. Bible chuan lungngaihnate nei mi a nih thu a sawi a. Bible chuan, a ṭhian Lazara a thih khan Isua a ṭap ve hial a ti.  

Lungngaihna hi chak lohna a ni lo. A nihna takah chuan i chak zawh poh leh i inringtawk lehzual anga, hlauhna thup tur i nei tlem lehzual dawn a ni.

Lusunnain a nghawng thil pahnih a awm: Pakhatna chu khapna, a pahnihna chu thupna. Pakhatnaah hi chuan i tawrhna zawng zawng chu hrelawksa reng ni lo va i rilrua cham reng lo tura i lo inkhap vena hi a ni. A dawt leha mi hi chu hrelawksa a i lo inkhapna hi a ni. Hetiang hian i rilruin i sawi a, “Natna kha ka ngaihtuah peih lo. Tuarna hi ka ngaihtuah dawn lo. Chhel takin hma lam panin ka kal tawp dawn.”  

Thihna tawha lungngaih loh hi chu tihpalh a ni thei. A chhan eng nge? Lusunna hi Pathianin kan nun chhoh zelna tura thil min pek a ni ve tlat.

Mawi takin lusunna i hmachhawn lo a nih chuan, duhawmlo takin i la lanchhuahtir mai ang.

Lusunna chu pawm thiam i tum pawhin, i taksain a tuar ang. Daktawrte chuan damlohna thenkhat hi chu lusunna avang te, inchhirna leh lungawilohna vangte pawh a ni thin an ti. Kan hnung zâng na leh kan ring kham ṭhum thinte hi kan rilrua awm kan pai ngawt ngawt vang a ni thin a, chu chu Pathian duh dan a ni si lo. I lusunna avanga i tawrhnate pawh luanchhuahtir turin a duh che a ni.

Thihna te hi pumpelh theih a ni lo va, mahse lungngaihna erawh duhthlanna a ni. Lunngngaih chu i thlang thei ang. Tichuan lusunna atang chuan hmalam panin beiseina nen ke i pen thei dawn a ni.

Ngaihtuah zui atan. 

* Lungngaihna leh lusunnate hi miten chak lohna hmahruai ang maiin an ngai thin a, eng nge i ngaihdan?

* Nangma taksa natna avang emaw mi dang natna avang emaw a lungngaihna inthup tlat hi engtin nge i hmuh? 

* Tun dinhmuna lusun mek i hria em? Engtin nge i tanpui theih ang? 

*[Lettu: Sangpuia]*