I NUN CHU BEIDAWNG MAHSE, PATHIANAH RINAWM TLAT RAWH*

 _I kawng zawh lai zawhchhuah dan_ 

— Rick Warren 

— July11, 2023

“Ka ti leh vun a tisawng a, ka ruhte a titliak a. Ka lakah dai a theu va, khakna leh hrehawmnain mi hung. Hmun thimah min chentir a, thi daih tawhte angin … A ni, tanpui ka ngen a ka au pawhin ka dilna a khar hnan a.” Tah hla 3:4-6, 8.

Nun beidawnna ruam hi tu te pawh hian kan lo paltlang vek tawh a. Hna kan hloh a. Inlaichinna a chhia a. Thihna kan tawk a. Hriselna a lo tlahniam zel bawk a.

Chung hunah chuan Pathianin min kalsan ta mai em ni aw kan ti thin.

Mahse a lo ni lo.

Hmanlai zawlnei Jeremia ngei pawh kha Tah hla a ziak lai khan tuna kan lawng chuanna dinhmun ang tho vah hian a chuang ve a ni. A ram, Juda ram, chu sum leh paiah a tlakchhia a, ram dangin an awp nghe nghe a ni. Juda miten hrehawm tinreng an tuar a. Mipuiten hnathawh tur an nei lo va, thih mai hmabakin an tam a ni. 

Khawi atangin nge Jeremian a tan? A rilru chhungril chu Pathian a hrilh a: “[Pathianin]Ka ti leh vun a tisawng a, ka ruhte a titliak a. Ka lakah dai a theu va, khakna leh hrehawmnain mi hung. Hmun thimah min chentir a, thi daih tawhte angin … A ni, tanpui ka ngen a ka au pawhin ka dilna a khar hnan a.” Tah hla 3:4-6, 8.

Beidawnna aurawl chu Bible ah meuh pawh a awm si a maw? Pathianin kalsan nia inhria - Jeremia ang hi mi tam tak tunlaiah an awm a ni. Mahse Jeremian a vei zawng chu a tawpsan duh chuang lo. A dinhmun chu harsa mahse a tawpsan lo. A rilru chu Pathian a hrilh a. Jeremiah hian bung 5 ngawt mai hi a rilrua awm Pathian hrilhna a hmang a ni. Pathian hnenah chuan, “He thil rimchhia!” hi a ti a ni.

Engvangin nge chutiang thu chu Pathianin Bible ah a dah? I thinurna te, i natna te leh i lusunna te chu Pathianin a chingfel thei tih hrilh che a duh a ni. Jeremia chuan Bible a a bu pumah chuan inhrikthlak nan a hmang a. Jeremia harsatnate chingfel turin Pathian chu a lian tawk a nih chuan, i harsatnate pawh chingfel turin Pathian chu a lian tawk a ni.

I thil pai chu nangman i dawlh vek a nih chuan, i in tina dawn tihna a ni. I pumpui ah a awm reng bawk ang! Chu ai chuan, Pathian hnenah bunruak zawk ang che.

Ka fate an la tet deuh lai khan, an thinrimnate an auchhuahpui thin a. An thinrim changa an an avang chuan ka hmangaihna a nep phah chuang lo. Ka thutlukna siam turah min tibuai hran lo bawk.  An pa ka nihna kha a nep phah chuang lo a ni.

Chungte chuan ka fate chu an la naupang a ni tih min hriattir a. Ka hriat ang an la hrelo zawk a ni.

I thinrimna i auchhuahpui avang chuan Pathianin a hmangaihloh phah lo che a. Insawifiah pawh a ba chuang hek lo. Mahse i thusawi tur avang chuan engmah a hlau lo a ni.

Chuvang chuan hrilh la. I damna bultanna a ni ang. 

Ngaihtuah zui atan. 

* I nunah eng nge Pathian hrilh i hlauh em em?

* Engvangin nge i harsatna tawh mek avangin hian Pathian lak rinawm i harsat? 

*Pathian hnenah lehkha thawn la. I rilru zawng zawng chu hrilh vek rawh, ka a sawi ai chuan ziaka dah chu i tan a awlsam deuh mahna? 

*Vawiin hian Isua i zui dawn em?*

Pathianin a that zia chu Fapa, Isua Krista kaltlangin a nemnghet a. Bible chuan, “Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan” a ti. (Johana 3:16).

Pathian thutiam chatuana nunna chu chang turin i inpeih em? I inpeih anih chuan, hetiang hian ṭawngṭai rawh le: “Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che. Isua hmingin ka dil a che. Amen”

Isua vuan tura i ṭawngṭai thei a nih chuan, khawngaihin Rick@PastorRick.com ah hian email min lo thawn la. Isua nena zinkawng i zawhṭanna atana pawimawh te a thlawnin ka lo thawn ang che.

*[Lettu: Sangpuia]*