Aizawl | July, 5, 2023: Basketball Federation of India Office Bearers inthlan chu vawiin 5th July 2023 khan New Delhi, Jawaharlal Nehru Stadium ah neih a ni a. President atan Tamil Nadu Basketball Association President ni lai Aadhav Arjuna thlan tlin niin hemi rual hian Mizoram basketball chanchina a vawikhat nan Mizoram Basketball Association Senior Vice President ni lai Dr Lalrinawma Hnamte chu hneh takin Vice President atan thlan tlin a ni.
Basketball player hlui leh Madhya Pradesh Basketball Association President Kulvinder Singh Gill chu secretary general atan thlan a ni bawk. OB thlan tharte chu; President: Aadhav Arjuna; Vice presidents- Ajay Ssud, Donald Steven Wahlang, Dr. Lalrinawma Hnamte, Manohara Kumar, Norman Isaac, Fr. Ralin De Souza, Seema Sharma; Secretary General - Kulvinder Singh Gill; Treasurer: T Chengalraya Naidu; Joint secretaries: G Chakravarthi, Munish Sharma, Pradeep Kumar Auddi, Prakash Sandou leh Surya Singh te an ni. Anni bakah hian Executive member 4 an awm bawk.
Basketball Federation of India inthlan hi Basketball Federation of India Administrator, Justice Krishna Bhaat, Karnataka High Court Judge thin kaihhruaina hnuaiah Returning Officer HS Sharma, District & Sessions Judge (Retd) hova neih a ni.
BFI Vice President atana Dr Lalrinawma Hnamte thlan a ni hi Mizoram Basketball Association an lawmpui tak zet tih thuchhuah siamin an tarlang.
Dr.Lalrinawma Hnamte chuan thlan tlin a nih chuangchangah Mizoram basketball atanga thlawpna a dawn na zawng zawngah lawmthu a sawi a. Theihtawp a India leh Mizoram basketball hmasawnna atana a theih chinah hnathawh a tum thu a sawi bawk a ni.
Hemi rual hian he Inthlanna na a kal, Mizoram Basketball Association President Pu R.Lalnunpuia chuan, "Mizoram in kan la tawn ngai loh hetiang ang Basketball Federation of India a Vice President post te hial kan nei thei hi hmasawnna tam tak Mizoram tan leh North East tan a thlen ka beisei," tiin a sawi a a lawmpui thu a sawi bawk a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: