Aizawl | June 27, 2023: Aizawl South I huam chhungah SASCI atangin hna hlawm pathum a chhuak a, heng hnate hi cheng 8,11,00,000 man niin, ZPM Thalaiin a zir chianna-ah thil dik lo tam tak awm hailan a ni.
Chung zingah chuan a hmun dik tak ni lova hnathawhte, hnathawh chhe lutukte a tel bakah, Construction of concrete pavement on College Veng Field to PUC to Bethlehem Vengthlang Kawn phei hi chu a taka hmuh tur a awm miah lo a, a bo a ni. Hetiang thil dik lo tam tak awmte chhui chhuak a, a mawhphurtute hrem an nih theih nan 27.6 2023 hian ZPM Ṭhalai chuan Mizoram Lokayukta-ah FIR a thehlut.
Mizoramin central atanga kan leibat SASCI, kum 50 chhunga Mizoram mipuiin kan inrulh ṭawm tur chu mipuite mamawh tur hmasawnna hnathawhna aia party fund ang maia MNF sawrkarin a kalpui hi ZPM Ṭhalai chuan pawi a ti a, Mizoram mipuiin kan leibat inṭawm SASCE hmanga MNF bial viltute campaign tirtu Chief Minister kan nei hi mualphothlâk kan ti.
ZPM Ṭhalai-in SASCE hnuaia hnathawh hrang hrangte a zir chianna-ah thil fel lo tam tak hailan a ni a, chung zingah chuan SASCE hnuaia a taka hmuh tur awm lo hnathawhte, a hmun dik tak ni lova hnathawhte leh dik lo taka sum hmanna uchuak tak tak hailan a ni a, hetiang hi chhui chiang a, thil dik lo titute'n hremna an tawh ngei theih nan ni 27.6.2023 hian ZPM Thalai chuan Mizoram Lokayukta-ah FIR a thehlut a ni.
Mipui sum hmanga hna thawh a nihin mipuite mamawh rotling siam ni se tih hi ZPM Ṭhalai dinna a ni a, Mizoram mipui leiba inṭawm SASCE chu mimal tute emaw sum siamna atan mai maia hman hi ZPM Ṭhalai chuan a phal lova, SASCE sum hmang khaw lo tute hrem an nih theih nan ZPM Ṭhalai chuan a tawp thlengin hma a la zel ang.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: