INHMANGAIH LEH INDUHSAK TAWN TAK HNAM KAN NI

- Lalvansanga Pautu

Mizote hi hnam inhmangaih tawn tak mai kan ni a, kan tlawmngaihna leh inhmangaihna tawnna hi bo then tawha sawi thin awm mah se, kan tun dinhmun leh hri leng vanga buaina kan tawh chiah atangte kan inhmangaihna a la nasatzia a lang zual.

Eizawnna leh khawsak awlsamna, finna chhar thar tumin khawpui kan bawh nasa a, a mi cheng pawh kan tam phah hle. Hri in min han nuai a, khawsak harsa lehzual tan men ngaihna awm lo khawpa inkharkhip kalpui a ni chung khan hriat ngai loh atangin hmangaihtu hmel an lo lang a, tumah innghei riltam bik awm lo turin hruaitu hrang hrangten hma an la nghal char char bawk. Hemi kawnga kan inhmangaihna leh inpeizawnna te kha hnamdang leh ramdangah hmuh tur a vang viau.

Khawpuiah nitin eibar lamkhawm a harsa a, chhuah vah leh sumdawnna lam kalpui hleih theih a nih miau loh avangin mang a ang dawn dawn a, mahse thingtlang lam atangin nitin chawhmeh trip tam fe lo lut tur a awm thei reng zel a, chu pawh a thlawn veka sem turin!

Kuthnathawktute chuan anmahni maia an thlai tharte ei bik duh lovin, an tawngkhat hmanpui, an awmna ramchhung ngeia mi, an Jerusalem a cheng mekte chu chhuanchhama awm an hlau a, an neih chhun ang ang thawhkhawmin theihtawp chhuahin an tang ve a; Mizo hnamte inhmangaihna hi a va mawi thar thin em.

Inhmangaih lo tham kan awm lo tih hi mitin hian kan hrechiang thar vek ni hian a hriat thin. Inhmangaihna leh induhsak tawnna bo tawh nia kan ngaih hi hri lengin min nuai tak tak hnu hi chuan a la bo lo tih a hriat a, hnam inhmangaih leh induhsak tawn tak kan ni tih hi a lo la hriatreng e. Kawng tam tak a awm thei ang, mahse khawpuiin thingtlang a hmangaihna leh thingtlang lamin khawpui an hmangaihna hi ramdangah hian hmuh tur a vang viauin a rinawm. Kan hun tawn mek pawh hi han thlir ila.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ