Sikul 17 telna MZP Inter HSS Volleyball Tournament 2023 khel ṭan;

Aizawl | June 19, 2023: Sikul 17 telna MZP Inter HSS Volleyball Tournament 2023 chu vawiin khan Aizawl West Joint YMA Multipurpose Hall, Vaivakawn-ah khelh ṭan a ni.

MZP Inter HSS Volleyball Tournament 2023 hi tukin khan GIG Motors CEO John Lalpeka chuan khuallian niin a beng hawng.

Vawiin khan Match 10 khelh hman a ni a, mipa match 5 leh hmeichhia match 5 an khel hman a. Mipa leh hmeichhia-ah sikul 5 ve ve an tla tawh a. Sikul 5 ve vein inelna sang zawk an kai ta a ni.

MZP Inter HSS Volleyball Tournament 2023-ah hian sikul 17 an tel a, Mipa team 16 niin, hmeichhia 12 an ni thung.

MZP Inter Higher Secondary School Volleyball Tournament 2023-ah hian Aizawl khawpui chhung atangin sikul 11; Govt Central HSS, St. Joseph HSS, Govt KM HSS, St. Pauls HSS, JL HSS, Greenland HSS, Oxford HSS, Staines Memorial School, Marcus School of Education, Govt Mamawii HSS, Springfield HSS bakah Aizawl khawpui pawn atangin Khawbung HSS, Khawzawl HSS, Lungdai HSS, Sesawng HSS, Tlungvel HSS, leh Thingsulthliah HSS te an tel a ni.

Springfield HSS hian Mipa team an nei lova, Govt Central HSS College Veng, Staines Memorial School Chanmari, Marcus School of Education, Govt Mamawii HSS Mission Veng leh Lungdai HSS Lungdai te'n hmeichhe team an nei lo thung.

MATCH RESULT:

19.06.2023 :

1. Greenland HSS 0- 2 Tlungvel HSS (Boys)

2. Khawbung HSS 2 - 0 Oxford HSS (Boys)

3. Marcus School of Edn. 2 - 1 St. Pauls HSS (Boys)

4. Sesawng HSS 0 - 2 Govt KM HSS (Boys)

5. St. Pauls HSS 2 - 0 Sesawng HSS (Girls)

6. Thingsulthliah HSS 0 - 2 Govt JL HSS (Girls)

7. Oxford HSS 0 - 2 Tlungvel HSS (Girls)

8. Greenland HSS 0 - 2 Khawbung HSS (Girls)

9. Springfield HSS 0 - 2 St. Joseph HSS (Girls)

10. Govt Central HSS 2 - 0 Thingsulthliah HSS (Boys)