Aizawl | June 19, 2023: India ram a Fitness Expo lian ber leh ropui ber IHFF Sheru Classic 16-18th June 2023 a neih zawh takah Mizo Arm Wrestler te an che ṭha hle.
Khawvel huap pawh a infiammi mi bik leh mi larte kal khawmna, International Standard Sheru Classic ah hian Mizo Arm Wrestler mi panga tel in Gold Medal pathum, Bronze pakhat leh a pumpui a Champion (COC) nihna an rawn hlawh chhuak a ni.
He Championship ah hian Benjamin Lalawmpuia Luangmual chuan Kg 100 chung lamah Gold Medal a hlawh chhuak a, Mizoram Arm Wrestling Association General Secretary ni lai Philip Lalbiakchama Hrahsel Kanan chuan Kg 100 huangah Bronze Medal a hlawh chhuak bawk a ni. Tv. Denic Lalruattluanga ITI (Neihdawn) chu Kg 90 huangah Gold Medal hlawh chhuakin Champion zawng zawngte inel leh naah chak ber nihna dinhmun luahin Champion Of The Champions (COC) a ni. Tv. V.L Zothansanga Khatla chuan Kg 80 huangah Gold Medal hlawh chhuak bawkin, Lalrampana Kolasib chu Kg 60 huangah khelin a ni hian vanduaithlak takin Medal a hlawh chhuak zo ta lo a ni.
He Championship hi International Standard niin infiammi kal khawmte pawh khawvel huapa aṭha ber berte an ni a, chuvangin he Championship a Champion hi thil harsa leh khirh tak pawh a ni reng a ni. Hemi a tel chin hi chu khawvel huapah pawh an nep theilo hrim hrim a, Champion zawng zawngte inel leh naa chak ber zawnna ah Mizo tlangval Denic Lalruattluanga chu pakhatna niin Champion Of The Champions (COC) a ni thei hi a ropuiin khawvel huapah pawh Mizote hi Arm Wrestling ah hian kan duai loh zia a chiang hle a ni.
Tin, tunah hian India ram bikah Mizote hian Arm Wrestling-ah hian ro kan rel mai ni lovin kan awp hneh hle a. India Arm Wrestling Fedaration IAF COC, India Open COC, IAF Junior COC leh All India Police COC te kan kawl mek a, heng bakah hian mahni weight category huanga Champion lai kan kawl ṭeuh bawk a ni. National Level-ah hian a bikin senior level bikah ah eng game ah pawh Champion hi a harsa em em a, chutih laiin Mizo Arm Wrestler te vawitam tak National Senior level Champion kan nei reng thei mai hi a ropui hle a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: