MZP, Zo Event leh Active Sound-in raltlan ṭanpuina hlan

Aizawl | June 4, 2023: Mizo Zirlai Pawl (MZP) General Headquarters, Aizawl, Zo Event Management leh Active Sound ṭangkawp chua nimin June 3, 2023 chawhnu khan Manipur buaina avanga sahimna zawnga Koalsib District a awm mek kan unaute ṭanpuina an hlan.

MZP President Pu Lalnunmawia Pautu chuan thusawiin, Khawtlang tana thil ṭha lo leh ruihtheih thil ti lo turin a ngen a, khawtlang inrelbawlna zah taka khawsa turin a chah bawk. "Keiniin kan ei chhung chuan in nghei lovang," a ti a. Zalen leh ngaihngam taka awm turin a sawm bawk a ni.

Vawiina ṭanpuina hlante hi New Builum, Rengtekawn, Bilkhawthlir leh Vairengte Camp-a awmte niin, New Builum leh Rengtekawnah Camp pakhat ve ve awmin, Bilkhawthlir-ah camp pahnih leh Vairengte-ah camp pali a awm a ni.

Ṭanpuina hlanah hian pawisa fai bakah buhfai a ni a, raltlan enkawltute kutah hlan zel a ni.

Ṭanpuina hlanaah hian MZP General Headquarters President Pu Lalnunmawia Pautu hovin MZP General headquarters hruaitute, Zo Event Managament hruaitute bakah MZP Headquarters Kolasib, MZP Sub - Headquarters Bilkhawthlir, MZP Sub - Headquarters Vairengte leh MZP Branch Rengtekawn hruaitute an tel a ni

Ṭanpuina hlante hi MZP, Zo Event Management leh Active Sound in Aizawl khawpuia charity concert buatsaih aṭanga lutte a ni.