ISUAN BIBLE A RIN CHUAN, NANG PAWHIN RING VE RAWH

 _Ni 40 chhung Pathian Thuah_ 

*ISUAN BIBLE A RIN CHUAN, NANG PAWHIN RING VE RAWH*

— Rick Warren 

— June 7, 2023

“Tihtak meuhvin ka hrilh a che u, lei leh van hi a boral hma loh chuan dan thu a mi chhun han te tak te emaw, thai han te tak te emaw, pakhat mah a boral tawp lo vang, a zaa a thlen kim hma loh zawng.” Matthaia 5:18

Mi thusawi hetiang hian i lo hre tawh maithei a, “Isua chu ka ring a, mahse Bible ziaktu chu ka ring lo.” Chu thuah chuan harsatna awm tlat a ni.

Isu chuan Bible-a thu a vaiin a pawm a! Thil dang zawng aiin Bible chu lehkhabu danglam bik a nihzia a sawi a ni.

Matthaia 5:18 chuan, “Tihtak meuhvin ka hrilh a che u, lei leh van hi a boral hma loh chuan dan thu a mi chhun han te tak te emaw, thai han te tak te emaw, pakhat mah a boral tawp lo vang, a zaa a thlen kim hma loh zawng,” a ti.

Isuan khawvel tawp thlengin Bible hi a awm ang a ti. Khawvelah Pathianin a thawh duh chu a thawk zo dawn a ni. Isuan, “Pathian Lehkha chu a dik reng fo a ni,” a ti. Johana 10:35. Isuan Bible dikzia a rawn puangchhuak a. Isuan Bible dikzia a sawi chuan, kan ngaihthlak a ngai a ni.

Isuan Bible chungchang a sawi hian, Bible thu hlawm emaw tawngkam khat hmangin a rawn tanchhan thin a ni. Bible thu hlawm leh tawng kam tin hi a ring a ni. Isua i ring a nih chuan, engvangin nge Bible i rinloh ang?

Isuan Bible thu hi chham hla emaw chanchin ziakna bu mai maiah a ngailo tih a chiang ta. Bible chu mihring nun ti danglamtu ah a ngai a. Isuan Luka 11:28 ah, “Pathian Thu hriaa zawmte hi mi hamtha an ni zawk e,” a ti. Isuan Bible chhiar ringawt turin min ti lova. Chutiang chiah chuan chham hla leh chanchin ziakna i chhiar thin a ni.  Isuan Bible thu zawm turin min ti a. Lei leh van siamtu chunga i tihdan pawh a ni. 

Isuan hian Bible-a mi leh a thil thleng te hi a tak tak angin a rawn sawi a. Zawlnei zawng zawng pawh a takin a rawn sawi a ni. Daniel-a chanchin a takin a sawi a. Isuan Nova chanchin leh tui let dan thlengin a ring a. Adama leh Evi chanchin pawh a awih a ni. Sodom leh Gomorra chhiatna pawh a awih a. Jona Sangha khawchhunga awm pawh a awih a ni.

Isuan Bible-a inhnialna tam ber ber Nova, Adama leh Evi, Sodom leh Gomorra leh Jona a awih a. Heng chanchin hi a taka thil thleng a ni lo tih an sawi thin a ni.

Isuan Jona chanchin a awih a nih chuan, nang pawhin awih la. Pathianin Sangha lian kha mihring dawlh turin engtin nge a siam theih tih ka hre lo, mahse Bible ah a awm a, a ring a ni. 

Isuan Bible a rin avangin ka ring a. Nang pawhin ring ve rawh   

Ngaihtuah zui atan. 

* Bible hian nun a ti danglamin i hria em? I nunah a finfiahna a awm em?

* Bible-a thenkhat hriatthiamloh deuh i nei em? Engvangin nge?  

* Pathian Thu kaltlangin Pathianin eng nge i nunah tihhlawhtlin a duh? 

*[Lettu: Sangpuia]*