Tlawng lui-ah Mipa leh Hmeichhe tla ngei nia hriat zawn an ni!

Aizawl | June 6, 2023: Sihhmui ram chhung tlawng lui-ah mi pahnih, mipa leh hmeichhia chu an tla a, zawn an ni.

Airport road, Sairang, Sihhmui piah Tlawng lei aṭang lak phak lo deuh, Tlawng hnar lam Tatkawng li-ah vawiin tlai khan, mipa leh hmeichhe inbual chu, an thawmhnaw vau kamah awm siin, an mahni chin hriat an ni lo va. An bungrua (Phone, Mat) te lui kamah hmuh aniin anmahni hi hmuh an ni lo.

Thudawnnain a tarlan danin, Mibote hi hriat chian hleih theih an nih loh avangin Engti anga hmalak zel tur nge tih Sihhmui Br. YMA chuan an rel a, a zawn hna tan a ni.

Hmeichhia zawk - Lalhmunsiami

Thudawnnain a tarlan danin, bo zinga Hmeichhia zawk hi Aizawl Zonuam venga mi, Lalhmunsiami d/o Zonunsanga, Aizawl Zonuam veng, Chawngbawla Section a Pu Lalmuanpuia Chenkual in hnuai luah niin Zonuam Br. YMA chuan an tarlang.

Sihhmui lam thalai ten an zawng mek a. A tul anga hma la thei tura lo inkau turin Zonuam Branch YMA OB meeting chuan YMA member te a ngen a ni.

Luia tla ngei nia hriatte hi khawihtu an awm nge, anmahni chauh a tla tih hriat a la ni rih lo.

11:00 PM:

A Mipa zawk Isak Lawmsangzela nia hriat hi hmuh tawh niin, a ruang hi lakchhuah tawh a ni a. A Hmeichhia zawk erawh hmuh a la ni lo niin thudawnna chuan a tarlang.

Mibo chungchang

Kan veng nula, Lalhmunsiami d/o Zonunsanga, Chawngbawla Section a Pu Lalmuanpuia Chenkual in hnuai luah chu vawiin lamah a thianpa nen Tlawngah kalin vawiin tlaiah khan an bungrua (Phone, Mat) te lui kamah hmuh aniin anmahni hi hmuh an ni si lova. Tunah hian Sairang Sihhmui lam Member ten an zawng mek a ni. Hemi chungchang hi hriat a nih veleh Branch OB emergengy meeting neih nghal a ni a, Branch OB te Sairang lamah an tlan thla nghal a, Branch OB meeting chuan zan thil te anih avang leh a nawlpuia thil tih theih a nih chuang loh avangin Executive member chin thawh chhuah phawt nise a ti a ni.

A tul anga hma la thei tura lo inkau turin Branch OB meeting chuan YMA member te a ngen a. Hmalak dan tur kan inhriattir zel dawn nia.

Secretary

Zonuam Branch YMA

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ