Aizawl | June 7, 2023: Common University Entrance Test Exam tur Mizo zirlaite chuanna Bus chu nimin June 6, 2023 chawhma dar 10:30 vela Jowai khaw bulah a chesual a, 6th June, 2023 zan dar 9:00 vel khan an riahna tur hmun Guwahati Mizoram House an thleng.
Zirlai chesual te hi Dibrugarh Lahowal College a Common University Entrance Test Exam turte an ni. He bus-ah hian zirlai 12 statistics department an chuang a ni. Zirlaite sawi danin bus driver hian zu a rui niin thu dawn a ni.
Guwahati Mizoram House-ah hian MSU General Headquarters, Aizawl Vice President Pu Laldinsanga hovin Guwahati MSU hruaitute'n zirlaite hi an lo dawng sawng a, hliam tawk VL Rochampuii hi a lu ah hliam tawkin hmun sawm pahnihah thui a ni a, ngaihtuahawm erawh ni lovin hahdam tir nghal a ni.
Thudawnnain a tarlan danin, Zirlaite hian an test na tur hmun thleng tur hian Motor / Bus a chuan an ngam tawh loh thu MSU hruaitute hnenah an sawi a, train a kal turin buaipui nghal a ni. Train delay leh harsatna awm thilah Pu David Lalmalsawma, IRS chuan zirlaite tanpui a inhuam thu a sawi bawk. Tukin dar 9:10 hian Guwahati atangin Dibrugarh an pan ang.
He chetsualna ah hian nunna chân an awm lova, hliam na hospital panpui ngai chu pahnih an awm thung.
An chetsual hnu lawk hian, Guwahati lam ațangin anmahni hruai tur Sumo tirh an tum a, a la hlat tham deuh avangin Ladrymbai lam ațangin Sumo an be ta zawk a. Jowai Mizo Welfare lam leh North East Adventist University (NEAU) lama Mizo hote a hmunah an va thleng phei a, an buaipui bawk a ni.
Network Counter lam hian an ngaihven nghal a, Guwahati an pan lehna senso an pek vek bakah hliam tuar Woodland hospital a enkawlna (CT-scan leh a dangte) senso zawng zawng an tum vek bawk niin thudawnna chuan a tarlang.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: