Aizawl | May 8, 2023: Zo-Reunification Organisation (ZORO) chuan Manipur State chhunga Meitei leh Zofate inkar a buaina awm chungchangah Zofate inrawnkhawmna vawiin khan Dawrpui Multipurpose Hall, Aizawl-ah a buatsaih a. He huna hian Mizoram state chhunga Political party hrang hrang aiawh, NGO hrang hrang aiawh leh Kohhran aiawh atangin member thahnem tak an kal a, ZORO Prseident Pu R. Sangkawian intawhkhawmna hi a kaihruai a ni.
Kalkhawm te hian resolution siamin, Manipur a Meitei leh Zofate inkar a tualchhung buaina chhuak a Zofate tawrhna chu an dem a, an duh lo hle a, hetiang tualchhung buaina, a bikin chak lo zawk hmeichhia leh nunau pawisawi lovin an tawrhna hi an dem takzet tih an sawi a,
Manipur a Meitei leh Zofate inkar a tualchhung buaina avanga Zofa nunna chan te, hliam tuarte, in leh lo chan te leh Biakin an tih chhiat te zangna dawmna Manipur Sorkarin a pek an thu te, Manipur Sorkarin kawng hrang hranga Zofate pawi a khawih hi ram chhung leh ram pawn thleng pawha puanzar leh siam thata a awm theih nan ZORO in phungbawm sawmin hma la se la, hemi chungchang hi United nations Organisation (UNO)-ah thlen ni rawh se, an ti a ni.
Manipur tlangram hi Zofate luah ram ni a, a ram nei tu chu Zofate (Indigenouse People) an ni a. Chhuanlam hrang hrang hmanga Manipur Sorkar in Zofate in leh lo chhuhsak tum a, hma a la chu an dem takzet a. Manipur a Zofate hian Manipur Sorkar ah him lovin an in hria a, chuvangin an himna turin rorelna hranpa India sorkar in a pek an phut tih an sawi bawk.
- AIR AIzawl
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: