Mamit | May 24, 2023: Union Minister of State for External Affairs & Culture Meenakashi Lekhi chuan vawiin khan Mamit tlawhin DC Conference Hall-ah Mamit khawpui chhunga Sorkar hotute meeting a neihpui.
Minister chuan Sorkar hnathawk, Aspirational District, Mamit-a awmte rilru puthmang chu mipui hmasawnna a ni tur a ni tiin mipui ta kan nih angin ram leh mipuite tana theihtawpchhuaha hna thawk thin tur leh mipuite mamawh hriat tuma rang taka chet la thin turin a chah.
Mamit chu Plastic bawlhhlawh sawngbawl chungchangah fakawm a tih thu sawiin an rawn kalna kawngah Plastic waste paih mai mai hmuh tur a tlem chu thil lawmawm tak a ni a ti. Chutihrualin, nakin hun zelah Plastic bawlhhlawh management kawngah Mamit khawpuiin buaina a neih loh nan tun atanga Plan tha tak DUDO Office kaltlanga siam a, buatsaih theih nise a duh thu a sawi bawk.
Mamit-a Sorkar Officials te pawhin Mamit District chhunga harsatna hrang hrang, Health Services, tui harsatna, zirna lam bakah kawng hrang hranga harsatna an neihte Minister hnenah hian thlenin heng harsatna te hi sutkian a nih theih nan thuneitute hnena a thlen tur thu a sawi a. An harsatna hrang hrang sutkian nan hian India State dangte tih dan a theih ang anga entawn a, zawm ve turin a chah bawk.
Pu V.L.Remliana District Bawrhsap chuan inlawmna thusawiin Union Minister-in Mamit a rawn tlawh chu a lawmawm hle a, Mamit District-in hmasawnna hmel a hmuh ruala, harsatna hrang hrang leh hmabak la awmte ngaihthlaksak a, hmalakpui a tumna kawngah lawmawm a tih thu a sawi bawk.
Union Minister hian Govt. Mamit College a tlawh nghal bawk a ni.
Union Minister hi Aizawl atangin Protocol Officer leh Art & Culture Department hotute'n an tawiawm a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: