Aizawl | May 24, 2023: Mizoram sawrkar hnuaia School Education chuan vawiin khan hriattirna tichhuakin, Manipur buaina avanga Mizorama rawn raltlan zirlaite chu sikulah admit an nih theih nana hma la turin District Education Officer, SDEO leh Higher Secondary School-a Principal te a hriattir.
School Education Director Lalsangliana chuan vawiin khan he thuchhuah hi tichhuakin, zirna an chhunzawm theih nan zirlaite chu dik tak leh harsatna awm lova admission tihsak turin a ngen a ni.
School Education Director chuan, Tun hnaia Manipur state-a buaina chhuak vang hian Mizoramah raltlan naupang an lo lut nasa hle a, danin heng hnam naupangte hi Sawrkar enkawl institution leh private school-a inziah luh a khap lova, chuvang chuan, raltlan zirlaite chu in huam chhung sikul hrang hrangah admit tura a tul anga hma la turin a ngen.
Tharum thawhna atanga tlanchhuak Naupangte'n mi tin tana zirna hi an dawn theih nan admission kalpui dan tur hi a remchang leh harsatna awm lo tura siam turin a ngen bawk a ni.
School Education Deptt Director chuan a chunga thuchhuah luahlantu atan thuchhuah dang a rawn siam leh a. DEO, SDEO leh Sawrkar Higher Secondary School a principal zawng zawngte chu Document mumal tak an neih loh pawhin admission tihsak turin a hriattir a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: