School Education Minister-in HSLC 2023 Result tha tak leh felfai taka chhuah a nih nana rim taka thawktu zawng zawngte chungah lawmthu sawi; Zirlai hlawhtlinna hmu thar zawng zawngte ka lawmpui em em a, an hma lam hun kal zel turah duhsakna ka hlan - Lalchhandama Ralte

Aizawl | May 11, 2023: MBSE in HSLC 2023 result a tihchhuah-ah School Education Minister-in HSLC 2023 Result tha tak leh felfai taka chhuah a nih nana rim taka thawktu zawng zawngte chungah lawmthu sawi a. Minister Lalchhandama Ralte chuan, "Zirlai hlawhtlinna hmu thar zawng zawngte ka lawmpui em em a, an hma lam hun kal zel turah duhsakna ka hlan," a ti.

Minister Press Statement

  

Mizo mipuiin kan nghahhlelh em em, Pawl 10 (HSLC Examination, 2023) result Chu vawiin (May ni 11, 2023) chhun dar 12:00 hian Mizoram Board of School Education chuan tluang takin a tichhuak leh ta. Result tha tak leh felfai taka chhuah a nih nna rim taka thawktu zawng zawng MBSE officer leh staff te, Directorate of School Education leh District-a officer leh staff te, zirtirtu te, Police leh Health department-a thawktu te leh Administration lama thawktu te chungah thinlung takin lawmthu ka sawi a ni. 

Zirlai hlawhtlinna hmu thar zawng zawngte ka lawmpui em em a, an hma lam hun kal zel turah duhsakna ka hlan a. Sang tak thlenga kal zel turin leh an thiamnate kan ram leh hnam tana pei pung zel turin ka chah nghal a ni. Tin, tuna hlawhtlinna chang ve ta lote pawh beidawng mai lo turin ka chah duh a; tun aia tha zawka bei turin an rilru siam sauh sauh se, hlawhtlinna la chang ve ngei turin duhsakna ka hlan a ni.

Kan naupangten zirna tha an hmuh theih nan hian tha thlah lovin, thahnem ngai takin zirna kaihhnaiha thawktu zawng zawngte thawk zel turin ka chah duh bawk a. Kan sawrkar pawh hian theihtawp chhuahin hma kan la chhunzawm zel dawn a ni tih kan sawi thar leh duh bawk a ni e. Ka lawm e. 

LALCHHANDAMA RALTE

Minister,

School Education Department, etc. Mizoram

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

.