Aizawl | May 7, 2023: Mizo Zirlai Pawl (MZP) chuan vawiin khan Manipur-a Zofate leh Meitei inkara buaina avanga Bethesda School of Nursing, Muolvaiphei, Churachandpur-a Mizo zirlai tangkhangte chu Mizoram-ah a hruai haw. MZP General headquarters hruaitute hi an President Lalnunmawia Pautu-in a ho a ni.
Bethesda School of Nursing, Churachandpur-ah hian Mizo zirlai eng emaw zat an awm a, vawiin hruai haw te hi zirlai 34 an ni.
Aizawl, Lynglei, Lawngtlai, Mamit leh Kolasib district chunga khaw hrang hrang amite an nia, Assam leh Meghalaya a cheng Mizote pawh an tel a ni.
Zirlai hruaichhuah kawnga theihtawp chhuahpuitu Siamsin Pawlpi (SSPP)general Headquarters leh ZRA chungah MZP chuan lawmthu a sawi a ni.
MZP chuan, state dangin an zirlai tangkhangte an hruai haw sup sup laiin Mizo zirlaite an tangkhang reng chu ngaingam lovin an hruai chhuak ta niin thudawnna chuan a tarlang.
Tlai dar 5 leh chanve vel khan Mizoram chhung Pawlrang khua an rawn thleng tawh nia thu dawn a ni a. MZP hruaitute hi nizan khan Manipur panin Aizawl atangin an tlan a ni.
Bethesda School of Nursing, Muolvaiphei, Churanchandpur ami hi Independent Church of India (ICI) kohhran enkawl nurse zirna a ni a. North East state hrang hrang atangin zirlaiin an bawh hle a ni.
Pic:
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: