Aizawl | May 7, 2023: Aizawl khawpui chhung Branch YMA kalkhawmte chuan kan Zohnahthlak harsatna tuar mekte tanpuinan mahni Br. YMA huam chhung theuhah tanpuina sumfai khawn nise, hemi kaihhnawiha raltlan lo lutte chu tha taka lo dawnsawn vek nise an ti a. Tin, mahni Branch YMA huamchhung theuha Raltlan lo lutte chhinchhiahna Central YMA in form a siam hmanga uluk taka lo chhinchhiah vek nise tiin rel a ni bawk.
Tun hnaia Manipur State chhung buaina thleng meka Zohnahthlak ten harsatna namen lo an tawh chungchang ngaihtuah turin vawiin Pathianni Ni 7.5.2023 chawhnu dár 3:00 khan Central YMA chuan Aizawl Khawpui chhunga Branch YMA hruaitu aiawhte Central YMA Hall-ah a ko khawm a. He huna report pe thei tura nimin leh vawiin lama lo thleng Manipur Group hruaitu leh Imphal Branch YMA hruaitute hnen atangin thu haw lam leh kal lam ngaihthlak a ni bawk.
He inhmuh khawm hi Central YMA President Pu R Lalngheta'n a kaihruaia, General Secretary Prof Lalnuntluanga'n report hrang hrang a pe bawk a. Manipur Group YMA te hnen atangin thil thlen dan leh nunna chante bakah vawiin dinhmuna tanpui an ngaihdan kim chang takin ngaihthlak a ni bawk.
He inkokhawmnaah hian Aizawl khawpui chhung Branch YMA hruaitu mi 86 bakah CEC 40 leh OB mi 6 bakah Manipur Group YMA aiawh mi 5 te an tel a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: