MZP Biate-in Manipur Zofate thlavang hauhna hun hmang

Aizawl | May 9, 2023: Vawiin Ni 9 May, 2023 (Thawhlehni) hian MZP Headquarters, Biate chuan Manipur buaina avanga harsatna nasa tak tuar mek Zofate thlavang hauhna hun an hmang

He hun hi Mualveng Zawl, Biate-ah hmangin, MZP Headquarters, Biate President Lallungmuana'n he hun hi a kaihruai a ni.

MZP Headquarters, Biate-in Manipur Zofate thlavang hauhna Programme a huaihawtah hian Adviser, Pu Zomawia Khiangte chuan thu sawiin Manipur tualchhung buaina avanga kan unauten nasa taka harsatna an tawk leh Manipur sorkar hmalakna avanga zofate tuarna chu pawi a tih thu leh he buaina hian zofate inpumkhatna ṭha zawk hring chhuak se a duh thu a sawi.

MZP Headquarters, Biate in Manipur Zofate thlavang hauhna hun a huaihawtah hian zirlaite leh nu leh pa ṭhahnem tak an kalkhawm.

He huna Kalkhawmte chuan heti ang hian resolution an siam.

• Manipura kan unauten harsatna an tawh hi kan harsatna a ni a, kan enliam mai mai thei lo a. Kan unaute thlavang kan hauh tlat a ni.

• Kan unaute harsatna tawh hi kan la thu tak a, a tawp thlengin an tan kan ding tlat dawn a ni.