Aizawl | May 18, 2023: Mizo Zirlai Pawl (MZP) General Headquarters, Aizawl leh Indigenous Tribal Leaders Forum (ITLF), Manipur chuan vawiin chhun dar 12 khan MZP Pisa Pui, Aizawl-ah inkawmin, Manipur buaina intan dan leh he buaina avanga Zofate tawrhna chungchang an sawiho.
He inkawmna chungchanga MZP thuchhuahin a tarlan danin, ITLF chuan, buaina an tawh lai a, an ngaihsakna leh an buaipuina avangin Mizoram Sawrkar, Mizoram Mipui leh MZP te chungah lawmthu a sawi a. He buaina hian Zofate inkarah inunauna tha zawk thlen se an duh thu an sawi.
ITLF chuan, Manipur Zofate’n ei leh barah harsatna an tawh mek thu te sawiin, ei leh bar lakluhna kawng that siam an duh a, Ei leh bar lakluhna atana pawimawh Tuivai lei chu fur ruahtui tlak hmaa siamthat a, thawmthat an duh thu an sawi.
MZP chuan, Manipur buaina avanga Zofate tawrhna a hriatthiampuiin pawi a ti tak zet a, an tan theih tawp a lo chhuah tawh thin angin, a tul angin tanpui zel a tum niin thuchhuah siamin an tarlang.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: