Aizawl | May 3, 2023: DIET thawktute nawrh titawp lailawk a, May 17 thleng sawrkar ngaichang dawn.
Sawrkar a intiam anga a awm loh chuan, May 18 aṭangin Infinite strike neih leh an tum.
EXPLOREMIZORAM.COM thu dawn danin, Sawrkar hian ni 15 chhungin an thil phut tihfel sak tura an tiam avangin an nawrh hi anti tawpin naktuk atangin an hna an tan leh ang.
Sawrkar hi a intiam anga an awm loh chuan May ni 18 atangin infinite strike an nei leh dawn niin thudawnna chuan a tarlang.
DIET thawktute'n May 17 thlenga sawrkar an ngaihchanna turte:
• salary atana state tum tur (State liability), 40% State Budget-a dah luh.
• Thla ruk hlawh avaia pek fel vek.
• Education Minister hova heng department - Planning, DP&AR leh Finance hotu te nena kan service chingfel tura sawihona neih.
PRESS RELEASE - II
3 May 2023
Association of Mizoram DIET Employees (AMDE) Executive Committee Meeting dt. 3.5.2023-a DIET, Aizawl-a neih chuan, kan hlawh leh service-a harsatna lian tak kan neih avangin hna kan chawlh san lailawk chu, Sawrkar in heng kan harsatna te hi ni sawmpanga (15) chhung, i.e., 3'1- 17th May, 2023-a min chinfel sak a intiam avangin, kan hna chawlhsan lailawk chu chhunzawm leh nghal turin a rel a. He hun tiam chhung hian heng thil pathum te hi min chinfel sak tura sawrkar a intiam angin, sawrkar hmalakna kan lo thlir reng dawn a ni.
Chung te chu:
1) Kan salary atana state tum tur (State liability), 40% State Budget-a dah luh.
2) Thla ruk hlawh avaia pek fel vek.
3) Education Minister hova heng department - Planning, DP&AR leh Finance hotu te nena kan service chingfel tura sawihona neih.
Heng te hi tihhlawhtlin a nih loh chuan, dt. 2nd May, 2023-a kan Additional Secretary, School Education Department hova, Department hotute leh AMDE hruaitute Meeting-a kan hotuten, "Ni 15 chhunga kan harsatna te chinfel a nih loh chuan hma in la leh zawk dawn nia," min tih angin, hmalak a lo tul a nih chuan, 'Indefinite Strike' kalpui nghal tura rel a ni.
(Dr. LOUISE V.L. RINSANGI)
General Secretary AMDE
An nawrh chhan hre turin May 1, 2023 a Association of Mizoram DIET Employees thuchhuah hi lo bih ila:
Association of Mizoram DIET Employees te chuan vawiin 1.5.2023 atang hian kan service chung changah harsatna hrang hrang kan tawh thin avanga thla ruk chhung zet hlawh kan la thei lo te, Mizoram sorkarin kan hlawh tur atana a tum ve tur State Matching Share min pek theih loh avangin thawktu ten kan ei tur ngaihtuah a ngai a. Kan hna kan thawk thei to rih lo va, hemi chungchang a kan harsatnate hi Mizoram mipuiten min hriatpui turin kan duh hle a, chung kan harsatna min hriatpui tura kan duh te chu:-
I. Teacher Education (DIET) hi hum 1953-ah din a lo ni tawh a, 1988-ah (CSS) hnuaia dah lute a nih atanga tun thieng hian Mizoram sorkarin State Service-a seng lute a tum miah lo te.
2. DIET hnuaia thawktute hlawh tur hi Central Sorkar leh State Sorkarin 60:40 a tum a ni a. State-in a tum ve tur 40% hi State Budget-ah dah a nih ngai loh avangin Central-in a rawn tum thin hman zawh a nih hnuah hlawhah harsatna kan tawk ngei ngei thin a. He harsatna sukiang turin State budget-ah state in a tum tur chin hi dah luh ve mai ni se.
3. Para-Academic Staff post engemaw zat kum 2021 atanga central-in an hlawh a rawn pek tawh loh te, tun thlenga an dinhmun chinfela a la awm lo hi a rang thei ang bera an dinhmun chinfel ni se.
4. NEP 2020 hian Stand Alone Institution a phal tawh lova, DIET kal zel dan turah Mizoram sorkarin ruahman chhinna tak ngial pawh a la nei lo.
(H.MALSAWMDAWNGA)
Asst. General Secretary
AMDE
Share it with your friends!
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: