Information Technology lama hmasawnna nasa tak hian Computer in- dustry hi khawvela industry thang chak berte zinga mi ah a hlang kai tawh a. Chutiang anih tak avang chuan Computer tihhmasawn zelna kawngah té, leh a hnathawhna kawng hrang hrangah Computer Engineering lama thiamna sang tak neite hi khawvel hmun hrang hrangah mamawhna a nasa ta hle a ni. Computer Engineering kan tih hian computer hnathawhna lama enchhinna leh designing thlengin a huam vek a. Computer hi engineering peng pakhat niin, computer-in a mamawh electrical engi- neering leh angle hrang hrang atanga 1 Computer science zirna zawng zawng hi a huam vek a ni.
Computer hmanrua siamtu lam hi Computer hardware engineer án ti a, computer program lamkhawitu mithiam bikte hi computer software engineer an ti ve thung. An hnathawh pawh a hrang hlak a ni. Software Engineer in a programming te, documenta- tion lam te an buaipui laiin Hardware Engineer chuan computer pawn lam landan siam hna hi an khawih ber ti ila a chiang mai awm e. Hardware Engineer-te hi electronic engineer pangn- gaite nen an hnathawh a inang deuh na a, anni chuan computer leh a kaihhnawih chauh an khawih thung.
Miin Computer Science/Engineering a zir dawn chuan Software emaw, hardware emaw hi duhthlan tur a nei thin a, a pahnih pawh a zirkawp theih tho bawk.
Eligibility & Course Areas:
Computer Science leh Engineering lama kal tum zirlai chuan Mathematics leh Science, a bikin Chemistry leh Physics an thiam hle a ngai a.Computer Engineer ni tur chuan Graduate degree (BE/B.Tech) emaw, postgraduate degree (M.E) emaw, a lo berah diploma in Computer Engineering a neih ngei a ngai a. Diploma in Computer Engienering-te hian public leh private sector lamah hna an thawk thei tawh a. Zirtirna lam hna thawh tum tan erawh chuan Master Degree neih a ngai thung.
Educational:
BE/ B.Tech in Computer Engi- neering zir tur hian 10+2 emaw, a tlukpui passed, Physics, Chemistry leh Mathematics subject la an nih a ngai a. Diploma zir tur pawhin hetiang hi pass a ngai tho bawk. Associate Member- ships of the Institution of Engineers (AMIE) hian ralchhan zirna te pawh an offer bawk thin. Hetianga Graduation an zawh hnu hian a duh tan chuan sawi tawh angin post graduate (M.E/ M.Tech) a zirzawm theih a. A duh tan chuan Ph.D thlengin a zir chhunzawm theih vek a ni. Selection:
B.E/B.Tech courses zir tum chuan inelna hautak tak an hmachhawn thin a, academic performance tha, board exam ah leh entrance exam a mark hmu tha tak nih a ngai a ni. Hetiang zir tum chuan Entrance exam hautak tak hmachhawn a ngai vek a. Pawisa nuai tamtak senga seat kan lei thei a nih si loh chuan he entrance exam hi tihmakmawh a ni.
Entrance Exam hi tunhma chuan chi hrang hrang a awm thin a. Tunhnuah erawh chuan India rama Engineering am zirna zawng zawngte hman turi EE buatsaih a ni ta a, JEE kaltlang vek admission tih a ni tawh a ni.
Master Degree (ME/ MTech) zir tumte tan IIT leh NIT te hian kumtin graduate zo tawhte tan GATE (The Graduate Aptitude Test in Engineering) a buatsaih thin bawk.
Duration:
BE/B.Tech courses in Computer Engineering hi kum 4 a ni a. Semester a thenin kum 4 chhung hian semester 98 a awm thin. ME/ M.Tech in Com- puter Engineering hi kum 2 (4 semes- ters) a ni bawk.
Personal skill:
Computer Engineer ni tur chuan technology lam thiam mi tak, mi cre- ative tak, Mathematics leh Science-a tui tak nih a ngai a. Computer prógram- ming lama tui tak leh hardware/soft- ware lama tui tak leh hre tawk tak nih a ngai a ni.
Communication skill nei tha tak nih a ngai a, data tam tak tak khawih a ngaih avangin hetiang lama thluak chak tak leh thutlukna fing taka siam zung zung thei tur, thawhpui nuam leh a ngaihdan leh hmuhdan sawia ziak chhuak thiam tak nih a ngai bawk. Heng electrical and computer engi- neering subjects-electronics, electrical systems, computers, circuits, design and modeling lamte hi a bulthut atanga thiam hle a ngai a ni.
Source: Hillsgate
- Hlima Pachuau
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: