Aizawl | April 25, 2023: National Medical Commission (NMC) hotuten Zoram Medical College a MBBS pass thar te internship tan an remti.
![]() |
Pic: Bd Lelhchhun |
Health Minister Dr R. Lalthanglianan inrinni khan New Delhi ah NMC hotute a dawr a. NMC hotute hian ZMC a MBBS pass thar te internship tan an remti a, ZMC a zirchhuak MBBS te bakah, Foreign Medical Graduate te tan seat riat internship tih phalna a pe a ni.
![]() | |
|
Kumin January ni 9 khan NMC Assessors te'n ZMC inspection an nei a. Tlakchham thenkhat la awm te chu sawrkarin theihtawp chhuahin a ti puitling zel a. Kumin March thla chhung khan Mizoram University chuan final MBBS Exam buatsaihin, result pawh a tichhuak fel tawh bawk a ni.
Health Minister leh NITI Aayog Member Dr VK Paul chuan NMC Chairman leh NMC a thuneitu sang te dawr in, ZMC a MBBS batch hmasa ber te chu Internship program tan nghal turin an remti ta a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: