Zaithiam lar Mafaki a boral!

Aizawl | April 16, 2023: Zaithiam lar leh hriat hlawh, ngaisangtu leh duhtu ngah me em Mafaki Sailo chu vawiin tlai khan a in luahah thia hmuh a ni.

Mafaki hi Republic Veng-a a in luah ah thia hmuh a ni a, a thih chhan hriat a ni lo.

Thudawnnain a sawi danin, Mafaki hi nizan lama a mu a chhungten an be theilo a. Vawin lamah YMA hruaituten ngaihvenin a khumah thiin an hmu a ni.

Halleluiah Chorus

Thia hmuh hun tak hi hriat mai theih a la ni lova, thu chiang zawk ngaihven mek a ni.

A ruang hi Tlangsang, Tripura-ah phurh tura ruahman niin thudawnna chuan a tarlang bawk.

BCM Thurin Hla

Mafaki tia hriat hlawh Lalfakkimi hi Larry leh Baby te nen 'Chawl lova fak che ka duh' tih hla an sak atangin mi hriat a hlawh a, mimalin sak chi ni pawha hriat ngai lo, 'Haleluiah Chorus' amaha a sak atangin mi hriat leh ngainat a hlawh lehzual a ni.

Heng bakah hian, 'Ka tlantu chu a nung tih ka hria', 'Kan khawvel ni a kin hunah' ropui taka a sak te avangin ngaisangtu an tam hle.

'Kan khawvel ni a kin hunah'

Lalfakkimi (33) d/o Lalthanliana (L) hi Aizawl Republic Vengah in luahin a khawsa a, BCM Central Church, Upper Republic, Aizawl-ah a lawi a ni.

A ruang hi zanin la lain, Tlangsang, Tripura-ah phurh tura tih niin thu dawn a ni a.

Thu chiang zawk leh thu thar a awm chuan a hnuaiah hian update zel a ni ang:

>>> 

Tukin lam thleng khan a thenawmten a zing tho an hmu lova, a chhungten vawiin lam khan phone in a chhang ngai lova, a chhungte ngaih tha lo chuan YMA lam punin a in kawngkhar tichhia in an lut a.  Amah hi khum lamah thiin an hmu ta a ni. Amah an va hmuh hian a taksa pawh a lo khawng tawh a ni.

Thudawn danin, Mafaki hian tun hma lamin a taksa hrisel lohna a neih loh thu an sawi a, BP sang erawh a nei tih a chhungte'n an sawi niin thu dan a ni.

Nl. Lalfakkimi (Mafaki), Kum 33 miin, a pa hi Lalthanliana (L) niin, a nu hi  Ramdinfeli a ni a, Republic Hmâr Vêng, T. Romana College hlui bul-ah in luahin a khawsa a, a thih hun hi vawiin tlai dar 5:45 vel nia thu dawn a ni a, Lungphu châwl a thi niin thu dawn a ni.

A chênna In (Pu Thansiama In hnuai, Republic Hmâr Vêng)-ah thlahna hun hman a ni anga, thlahna hun hman a nih hnuah a ruang hi Zampui Tlángsáng, Tripura lamah vui turin phurh thlâk tur a ni.

10:10 PM:

MDM chuan Mafaki Sailo uina thu chhuahin, "Zoram dung leh vanga amah ngaisanga, Mafaki kaltlanga Pathian hnathawh lo hmu tawh thinte kan tawrhpui," an ti.

Kimchangin @ https://www.exploremizoram.com/2023/04/mdm-in-mafaki-sailo-uina-thu-chhuah.html

April 17, 2023 7:45 AM Update:

# Postmortem tura tih ni lehin, buaipui mek a ni a, postmortem hnuah a ruang hi an khaw lam panpui tura tih a ni.

Kimchangin >>> https://www.exploremizoram.com/2023/04/zaithiam-lar-mafaki-sailo-herliam-ta.html

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)