Aizawl | April 17 2023: Zaithiam lar leh hriat hlawh, ngaisangtu leh duhtu ngah me em, 'Halleluiah Chorus' a sak vanga ngaihsan leh ngainat hlawh - Mafaki Sailo chu nimin tlai dar 5:45 vel khan a in luahah thi a hmuh a ni.
Mafaki ruang hi nizan khan an khaw lam panpui tum a ni zet na a, vawiin hian Postmortem ti phawt a, chumi hnua hawpui tura ruahman a ni leh a.
He thu buatsaih lai April 17, zing dar 7:35 vel hian Postmortem turin damdawiin an panpui mek niin thu dawn a ni.
Mafaki hi Republic Hmar veng-a a in luah ah thia hmuh a ni a, Lungphuchawla thi nia hriat a ni.
Thudawn danin, Mafaki hian stroke neiin, tunhnai hian Asthma nen a kawp a, nimin piah lawk pawh khan a inentir niin thudawnna chuan a sawi.
A ruang hi an khua Tlangsang, Jampui Hills, Tripura-ah phurh tura ruahman a ni a, Nizan khan Mafaki ruang hi A chênna In (Pu Thansiama In hnuai, Republic Hmâr Vêng)-ah thlahna hun hman a, thlahna hun hman a nih hnuahan khaw lama phurh thlak mai tur angin thu tih tluk ni mahse, postmortem tiin, vawiin lamah hian an khaw lam panpui tura ruahman a ni leh ta a ni.
Nimin zing lam thleng khan a thenawmten a zing tho an hmu lova, a chhungten nimin chhun lam khan an phone a, a chhang ngai lova, a chhungte ngaih tha lo chuan YMA lam punin a in kawngkhar tichhia in an lut a. Amah hi khum lamah thiin an hmu ta a ni. Amah an va hmuh hian a taksa pawh a lo khawng tawh, niin thudawnna chuan a tarlang.
Thudawn danin, Mafaki hian tun hma lamin a taksa hrisel lohna a neih loh thu an sawi a, BP sang erawh a nei, niin thu dawn a ni.
Nl. Lalfakkimi (Mafaki Sailo), Kum 34 miin, a pa hi Lalthanliana (L) niin, a nu hi Ramdinfeli a ni a, Republic Hmâr Vêng, T. Romana College hlui bul-ah in (Pu Thansiama In hnuai, Republic Hmâr Vêng) luahin a khawsa a, BCM Central Church, Upper Republic, Aizawl-ah a lawi a ni.
Mafaki tia hriat hlawh Lalfakkimi hi Larry leh Baby te nen 'Chawl lova fak che ka duh' tih hla an sak atangin mi hriat a hlawh a, mimalin sak chi ni pawha hriat ngai lo, 'Haleluiah Chorus' amaha a sak atangin mi hriat leh ngainat a hlawh lehzual a ni.
Heng bakah hian, 'Ka tlantu chu a nung tih ka hria', 'Kan khawvel ni a kin hunah' ropui taka a sak te avangin ngaisangtu an tam hle.
Nizan khan Music Domain Mizoram (MDM) chuan Mafaki Sailo uina thu chhuahin, "Zoram dung leh vanga amah ngaisanga, Mafaki kaltlanga Pathian hnathawh lo hmu tawh thinte kan tawrhpui," an ti.
Nizana Mafaki thlahna
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: