Aizawl | April 20, 2023: MZU Students Council-in kum tina an buatsaih thin, MZU Kutpui tih hiala sawi thin, 'Virthli' chu zawh fel a ni ta.
MZU Virthli 2023 Runway Showdown-a Deptt pakhat lemchan chuan sawizui a hlawh hle!
Kumin MZU Virthli Runway Showdown intihsiakna hi an thupui chu '7 Deadly Sins' tih a ni a, 'thihpui khawp sual pasarih' emaw 'sual bul pasarihte' tiin a sawi theih awm e. Chung chu zirlaite'n a tak ang thei berin an lo chang a, an lantir ta a! Hurna (Lust) a tak ang thei bera an lantir chu social media-ah a darh a, sawi leh sel a hlawh a, sawizui a hlawh ta em em a ni. Zirlaite pawh Setana betu ang hial chhhuahna a awm hial a ni awm e!!!!!
Engnge an sawi?
Kan zirna ropui ber MZU ah Setanic show an lo nei a ni maw? An stage decoration hmuh ringawt pawh khan rilru a na thei alawm mawle...! Setanic sign leh Illuminati sign tarlan kher kha tute idea nge ni ang aw?
Bible hal lai show ngat phei kha chuan mi rap....! Kristian an inti ve tho angem le?
Virthli MZU Fest 2023. Ka lawm lo. Hetiang BJ simulation on stage hi private peep show leh strip clubs ah bak an ti ngailo. Know better and do not repeat this pornography on this stage!!! Zahpuiawm lutuk. To be done in a university is beyond the scope of education. Zak ru, zak ru, zak molh molh ru. Changkanna a nilo. I burn my degree certificate. Oh the shades of the university to be stained by such juvenile misinterpretation of progress. No central service personnel will come of this.
Hei hi tun hnaia MZU Virthli a an show a ni. Mizo thalaite kawng dik lo lam zawh tirtu a ni thei mai ang em? Kan chistian rinna nen thil inkalh tlat a ni thei ang. Illuminati sign nen kan che ngap hle mai. Changkanna leh hmasawn kan um luattukna hian thalai nunah a tha lo zawngin nghawng a nei theiin kan hria em? MZU group lamah pawh an khel nasa hle niin an sawi. A zialo lam deuh chu a ni. Changkanna lam ni lovin, khawlohna lam thil a ni zawk lo maw le?
Seven Deadly Sins
MZU Virthli ah Runway Showdown a theme pakhat chu Seven Deadly Sins a ni a. Sual bul pasarih kan tih kha an ni. Cardinal sins tih an ni bawk. Chung te chu;
1.Pride(chapona) 2.Greed(duhamna)
3.Wrath ( huatna/thinurna)
4. Envy ( thikna)
5. Lust ( hurna)
6. Gluttony ( virna)
7. Sloth ( thatchhiatna )
Heng vice te hi virtue 7 te kalh (opposite) chiah an ni bawk. Sual bul pasarihte hi christian art/ literature leh narrative hrang hrangah te tihlan ( depict) an ni fo a. Lemziak ah te pawh kan hmu fo awm e. Dante Alighieri kutchhuak Divine Comedy leh Inferno ah te pawh kan tihlan an ni bawk.
MZU Virthli a Runway Showdown ah chuang heng sual bul pasarihte hi threatrical hmang a entir an ni. Costume / acting nen. A consequence te pawh an entir tel hlawm bawk.
Mi thenkhatin an costume, choreography leh creatives te an hmu khawlo viau a nih hmel a. A va han buaithlak tak.
Runway showdown hi competition a ni a. A theme-ah Seven Deadly Sins a ni. Sual bul 7 te kha ang thei ang ber turin actor (lemchang) ten an rawn play a. A real lutuk kha thenkhatin an lo hrethiam lo ta a ni. Hmanlai mizo film lem deuh deuh ang khan chang se an sawisel lo tur 😂😂
Next ah seven deadly sin ho opposite 7 virtues ho chang leh se. Dik mai ang. 😉
_________________
The lesson we can learn from this show ...
Seven deadly Sins hi University a English Drama paper a kan zir thin a ni a ... A pawi khawp mai sawiselna tam tak a lo irh chhuah nan a University show lo awm hi .. Feel sorry for the students, faculty and Our Mizoram Univ on the whole ..
An tum ber a ka rin chu a theme zul zui an theih tawp a dramatise a tih real an tum ani ngei ang a .. Han en hian a real hle bawk a .. Tunlai thalai te hian thil an tih reng2 ah hian creativity level san tawh zia hi an pho chhuak thiam tawh em em a ..
A theme an neih ang a rilru leh tih tak zet a dramatise an ni ngei ang a .. A theme Seven deadly Sins anih ang in mihring a sual hrang2 rawn tar lan na a ni a .. Sualna chi hrang2 that loh zia entirna a nih miau a vang in demna a lo awm ta ngei a ...
A pho chhuak tute thinlung chu a sual lo mahse an phochuah hi a tha lo em a dem an hlawh ta reng a ...
Heta zir tur pawimawh tak chu ka thil phochhuah ah hian mite hlawkna tur tur topic thlan thiam a pawimawh hle tih hriat a ngai a hle ..
Christian kan nih ang in stage a kan pho chhuah te hi fimkhur hi a pawimawh khawp mai ..
A dem tu te pawh thiamloh chan tir tur an ni lo a chhan chu thil thalo leh zirtir tha a tawp lem lo dramatise anih a vang in ...
Mizoram tan a learning lesson tha tak ah hmang ila .. Zirtirtute/Faculty intervention leh guidance/enpuina nasa leh zual hian awm thei se naupang te leh institutions te mualpho na tur tam tak hi kan avoid in hliah khuh thei ngei dawn a ni
May the good Lord turn this unfortunate incident into a great learning experience for everyone 🙏
- Ruth L Hrangchal
Tunhnaiah MZU Virthli 2023 ‘Runway Showdown’ ah Kristian te tan a mit tikham thei tak leh Naupang zawk te tan phei chuan enchi hauh loh thil mi nawlpui hmuh theih tura langsar taka an rawn phochhuak ta mai khan min barakhaih a, pawi ka ti tak zet a ni.
An thil rawn chan kha ‘Seven deadly sins’ a nih hmel a, amaherawh chu an rawn tarlan dan kha a uchuak takzet a, Mipat hmeichhiatna rawngkai langsar taka hmuh theih te, Bible hal ni awm tak te leh a dangte pawh, thlirtute tan a tha zawnga zirtirna aiin a thalo zawnga zirtirna nei thei zawk a ni tih chiang takin a hmuh theih a ni.
Kristian Thalai leh Kristian ram kan nih anga kan tih loh tawp turah ka ngai a, kan dodal hial tur zing a mi a ni. Changkanna a ni lova, a ropui viau lo bawk. Kan sim hmak tur zing a mi a ni e.
Thi reng si hian nung hming kan lo pu mai chauh hi a ni ange…..
KRISTIAN THALAI TE I FIMKHUR ANG U.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Sawi fiiah ngai leh tur hian thil tih loh hi a tha ber anih hmel e
ReplyDeletePost a Comment
He post chungchanga i ngaihdan lo sawi ve rawh: