Aizawl | April 27, 2023: Mizo film thar, 'Pine Hill' chu April 25 zan khan tlangzarh a ni a, April 29 atangin mipui en theih turin chhawp chhuak dawn!
Mizo film thar 'Pine Hill' hi April 25 zan khan Social Welfare & Tribal Affairs minister Er. Lalrinawma'n Vaivakawn Cultural Centre cum Auditorium-ah a tlangzarh a. Tlangzarh zan hian sawm bik te nen an enho nghal a ni.
EXPLOREMIZORAM.COM thudawn danin, Pine Hill movie hi thil thleng tak tak atanga thawnthu lo piang a ni a. A film ti hmuhnawm turin a thawnthu erawh phuah belh kual a ni thung.
Kum 2021 November 18 atang shoot tan niin thla khat chhunga shoot zawh a ni a. Hun rei tak an chawlhsan hnuin, Kumin kum tir khan duhthusam lo lai shoot nawn leh a ni.
'Pine Hill' film hi an channa hmun, Champhaia 'Pine Hill' tlang hming chawia phuah a ni a, Pine Hill-ah hian a film 85% vel chu shoot zawh vek a ni.
He film hi Champhaia thianho pathum intelkhawm - Awmhlei Entertainment, Zosiam leh Gabriel Graphix ten an siam a ni a, he film hi feature film an siam hmasak ber a ni.
A film hi darkar khat leh a chanve a sei a ni a. En manhla tak tur a ni. Pine Hill film hi Women & Child Development, Mizoram te sponsor a ni.
Pine Hill Movie hi Lersia Play-ah April 29, 2023 zan dar 8 atangin mipui en theihin chhawp chhuah a ni dawn a. A man hi a quality a zirin Rs 129, Rs 149, Rs 179 leh Rs 249 te a ni ang.
'Pine Hill' film hi F Lalthenlova direct niin, C Ramengmawia produce a ni a, C Lalmuanzova chu Director of Photography a ni a. Screenplay hi F Lalthenlova, C Ramengmawia leh C Lalmuanzova te'n an pathuma an ziah a ni.
He film-ah hian model lar leh hriat hlawh, Movie ah pawh sulhnu nei tawh Kimkimi Ralte (Zothankimi Ralte) a inlan a, Sangtei lem-ah Melody Lalremruatichangin, Remlalnghaka, Lalrinngheta Chinzah, F Vanlalhmangaihzuala, C Ramengmawia te an inlan bawk.
Anni bakah hian; Lalruatsanga, K Lalramsanga, Baby, Lalmuanawma Hmar, Hmangaihsangi, Lalhriatzuali, Lalhruaitluangi leh Lalnunmawii te an inlan bawk.
He film-ah hian Makeup Artist - Jey Vee Jongte niin, Sound & Music Score - K Lalramsanga, Assistant Camera - Michael Vanlalremruata leh Gaffer - C Lalruatsanga a ni bawk.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: