CADC Inthlanpui chuh tuma hming pe lut endikah mi 74 te nomination pawm

Aizawl | April 26, 2023: Chakma Autonomous District Council (CADC) hnuaia Member of District Council (MDC) Inthlanpui May ni 9, 2023-a buatsaih tura chuh tuma hming pek luh theih hun tawp April ni 24, 2023 (Thawhṭanni) tlai dar 3 thleng khan constituency 20-ah hming pe lut mi 76 awmin, he'ng hming pe luttute nomination hi nimin, April ni 25, 2023 (Thawhlehni) tlai dar 3 aṭang khan Returning Officer Pu David Lalthantluanga hovin Chawngte SDO (Civil) office-ah endik (scrutinise) a ni.

Bial 20-a inthlan chuh tuma hming pe lut mi 76 zingah mi pahnih chu standby niin, INC aṭangin 18-Fultuli leh 16-Damdep bialah hming an pe lut a. He'ng mi pahnihte nomination tih loh, mi 74 te nomination chu pawm vek a ni a. Chuh tuma hming pe lutte tan hian April ni 27, 2023 (Ningani) chhun dar 12:00 thleng inhnuh dawhna hun hawn a ni.

11th CADC Inthlanpuiah hian political party pathum - Bharatiya Janata Party (BJP), Indian National Congress (INC) leh Mizo National Front (MNF) te chuan bial awm zawng zawng an chuh vek a. Zoram People's Movement (ZPM)-in bial 13 chuhin, independent candidate 1 a awm bawk a ni.

- DIPR

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ