ILP CHUNGCHANG HI

- Vidpuia Hrahsel 

India hmarchhak state zingah hian Mizoram, Arunachal Pradesh leh Nagaland te chauh hian Inner Line System kan nei a. Kum 1930 khan Lushai Hills ah hman ṭan a ni a,  ram dang mi te laka in venhim ṭul tihna vanga lo piang chhuak a ni. Sap hovin Mizote min awp hnu khan Mizote chu hnam tlem te, hnam zia hrang daih nei leh hnamdang te pawhin an la pawlh dal loh nia min hriat avangin leh kan hnam ral an hlauh avangin Mizote chenna chin (Excluded Area) Humhalh bik ram, phalna nei lova tlawh pawh theih loh ramah min puang a. Kum 1930 khan Lushai Hills ah hman ṭan a ni a, phaia cheng te leh ram dang mi te laka Lusei ho venhim ṭul tihna vanga lo piang chhuak a ni. Mizorama hnamdang rawn lut leh cheng tur te reng reng chuan ILP hi an nei tur a ni.

Kan hnam pui khaw dang atanga rawn lut tur te YMA-in Testimonial Certificate kan phut a, chutah, veng dang atanga veng danga in luah an sawn dawnin, an awmna hmasa atangin pem lehkha kan phut leh thin. An lak loh chuan, pawl angin kan ngaimawh fo thin. Hei tak hi ni kan in enfiah na tur chu kan chi puite laka khirh em em si hi hnam dangte lakah kan inthlahdah thung si.

Pem lehkha emaw Testimonial kan phut hi thil tha a ni love, kan ti lo. Thil ṭha a ni a, veng chhung a felfai nan leh mipui himna tur thleng pawhin thil tha tak a ni. Mahse, Hnam dang erawh, khawi atangin nge an lo kal kan ngaihven lova, an in luahah mi engzat nge khawsa tih lam pawh kan ngaihsak leh lem hlei lo. Kan hnam tana pawi thei, thil tha lo a thlena an hnu chhui har zawk tur hi Local Council emaw, NGO emaw in neitute emaw pawhin an chinchang hriatna tur lehkha phut kan tum lo thin hi kan in enfiah a va tha em. 

State dang, khawpui thenkhatah chuan in an luah dawnin in neitute'n ID proof an dil thlap a, an ID photo copy dilin an kawl thlap thin. Mahse, Aizawlah erawh chu chu a letling thawk a, kan Mizo puiah kan in khengkhawng em em a, hnam dangah erawh kan inthlahdul lawi si. Hnam dang ILP nei lo ngaimawh nachang kan hre lova, dan lova sumdawnna kalpui kan en liam a, hnam dang nena inmawngzawma sumdawnna kalpui duh mai ta lah an awm nuk bawk! 

State pawn atangin kan chipuite an rawn pem lut a, kum 10 chuang awmte pawh Electoral Roll-ah an luh theih loh a vote an neih theih loh laiin, Hnam dang ILP mamawh zawkte'n awlsam takin Voter ID an nei thei a. Kan rama ILP nei lo tam tak kan man fo te hi Vai Mistiri leh sumdawng an ni tlangpui a. Vai Sponsor tu tam berte hian an mawhphurhna an hlen chhuak tawk lo ṭhin a, an vai chhawr ngaihsak zui tawhlo hi a tam zawk an ni. Kan Vai chhawr te kan chhawr zawh lamah khawiah nge an theh thang zel tih kan enzui a ṭul a, hna an thawh zawh veleh an rama thawn haw thlengin mawhphurhna kan nei tih te i hre thar ang u.

Muanga kan awm lai hian hnam dang Vai/Muslim ten min run mek a, kan thawh peih loh an thawk a, intodelh turin theihtawp kan chhuah a ngai a ni. CYMA hian MYC te nen ṭangkawpin vawi eng emaw zat Cement leh Alluminium Mistiri training te a lo kalpui tawh a, a kalpui mek zel a ni. YMA Thuthlung pangana-ah "Mahni intodelh hi zahawmna leh huaisenna a ni tih hriain, mite bantu ni lova, mite ṭanpuitu ni thei turin, mahni kein ka ding thei tûr a ni", tiin a inziak a, YMA member tin te hian kan ram leh hnam humhalha intodelh turin, ṭan kan lak a, kan ram leh hnam tana ke kan pen a va ngai em.

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)