April 22, 2023: Thlathar May 9 a Chakma Autonomous District Council inthlanpui neihtur ah, chuhtumte tana hming pekluh hun chu naktip Thawhtanni khian a tawp dawn a, Political Party hrang hrang ten an Candidate tur an puang tawh a, vawiin thleng khan inthlan chuh tuma hming pe an la awm lo.
Tun tum Chakma Autonomous District Council inthlanpui neihtur ah hian tun dinhmuna a lan dan chuan bial 9 chu kil li atangin BJP, INC, MNF leh ZPM ten an inchuh dawn a, vawiin khan ZPM hian bial pakua a an Candidate turte puangin, Candidate dang hi an la puan belh rin a ni.
Seat 20 awmna CADC ah hian BJP, INC leh MNF ten bial awm zawng zawng chuhkim turin Candidate tur an puangfel tawh a, Political Party pali a Candidate te hi Council Politics a sulhnu nei an tamin, mithar engemawzat an senglut bawk.
Inthlanna felfai leh muanawm a awmtheih nan Lawngtlai DC, he inthlanna a Returning Officer Pu David Lalthantluanga kaihhruaina hnuaiah ruahmanna hrang hrang siam niin a tahtawlin bawhzui chho mek a ni.
CADC-ah hian MDC constituency 20 awmin, polling station 70 a awm a. Vote nei thei mipa 18,208 leh hmeichhia 17,677, an vaiin mi 35,885 an awm.
- AIR Aizawl
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: