Aizawl | March 7, 2023: Women Polytechnic, Aizawl (WPA) Zirlaite chuan vawiin tlai atang khan an campus kawng siam that phutin lungawi lohna lantir.
WPA zirlaite hian PWD hmanraw inlachhuak tur an dang a, he thu buatsaih lai pawh hian an la dang a ni.
WPA zirlaite hian tlai dar 3 vel atang khan PWD lirthei leh bungraw hrang hrang inlachhuak tur hi an dang a, PWD atangin WPA campus kawng siam a nih ngeina tura thu chiang pek theih an nih hma chu tiam chin awm lova lungawi lohna lantir an tum a ni.
Zirlai pungkhawmte hian thuziak hrang hrang, "Hmeichhia kan nih vang hian min ngaihthah suh se!!" tih te, "Kan Campus chhung i siam kan duh," tih bakah "Sawrkar hi a thutiamah ding nghet rawh se," ti leh a dangte an keng a ni.
WPA Students Union chuan thuchhuah siamin, "Women's Polytechnic Aizawl te chuan hun rei tak kan lo buaipui tawh kan institution kawng chu min rawn siamsak hnuin, kan campus chhung estimate a awm tawh chu min divert sak leh a." an ti a.
"Thuneitute nena kan inbiaknaah PWD Secretary-in an rawn siam ngei tur thuin min tiam a. Amaherawhchu, vawiin ni thlenga an thu anga hmalakna hmuh tur a awm loh avangin thuneitute hi kan ring zo tawh lo." an ti.
WPA SU chuan, "Thu chiang min pek theih hma chu tiam chin awm lova lungawi lohna kan lan tir ang." an ti bawk.
WPA zirlaite hian PWD in an bungrua leh khawlte an lakchhuah chuan an kawng an siamsak tawh loh mai an hlauva, vawiin ni thlenga hmalakna hmuh tur a awm loh avangin thuneitute hi an ring zo tawh lova, chuvanga hetia hma la ta mai an ni.
Zirlaite hian he thu buatsaih lai thleng hian PWD khawl chhuak turte hi an la dang a ni.
Update on 7:40PM:
$ Lungawi lohna lantir an tawpsan rih a, Zirtawpni March 10 thleng sawrkar an ngaichang dawn.
March 10 hian PWD lam hian kawng hi siam chhunzawm tura ruahman a ni a. Heta kawng siam an chhunzawm loh chuan nasa zawkin nawrhna chhunzawm an tum a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: