Sawrkar hnathawk te'n nawrh huaihawt tum an thulh!

Aizawl | March 5, 2023: Federation of Mizoram Government Employees & Workers (FMGE&W) te’n naktuk atanga nawrh huaihawt an tum chu an thulh.

Mizoram sawrkar hnathawk inzawmkhawm pawl, Federation of Mizoram Government Employees & Workers (FMGE&W) te’n naktuk atanga nawrh huaihawt an tum chu an thulh.

Chief Minister Pu Zoramthanga hova Sawrkar mi pawimawhte leh FMGEW hruaitu thukhawm chuan Sawrkarin April ni 1 atanga Dearness Allowance (DA) a tih pun dawn avangin March ni 6 atanga nawrh huaihawt an tum chu thulh a ni. Nimina FME&W hotute leh Chief Minister Pu Zoramthanga hoa thutkhawmah hian Deputy Chief Minister Pu Tawnluia bakah Sawrkar mi pawimawh te an tel a, Sawrkar lam atanga rawtna DA hman lai mek atanga zaa 3 a tihpun te leh Sawrkar hnathawkte hlawh chu thla tira pek annih theih na’n tan lak zel a ni dawn tih te a ni a. Heng bakah hian pension kum 62 a pawhsei an ngiat chu Chief Minister in remchang hmasa berah DP&AR bultumin FMGEW te, Finance Department te, Zirlai Pawl te leh NGO hrang hrang te nen inrawnkhawmna a siam tur thu leh March ni 6 atanga nawrh an tum mek chu thulh turin an ngen a ni.

 Sawrkar ngenna ngaihtuah a FMGEW thukhawm chuan hlawh a hun taka pe thei turin sawrkarin tan a la dawn chu lawmawm an tih thu an sawi a, hei bakah hian pension kum 62 a tihsan chungchanga inrawnkhawmna a awm thei tur chu lawmawm an tih thu an sawi a, DA hman mek za a 3 pung erawh Central hman lai mek a phaklohna a tam avangin an pawm thei lo an ti a, hemi hnua Chief Minister an hmuh lehna ah DA hman lai mek chu za a 4 zawka ti pung turin a lo pawm a. Heti hian za a 32 pung an la tawh dawn a ni.

FMGE&W thuchhuah tarlan danin Chief Minister an hmuhna-ah Pu Zoramthanga chuan DA pung chu sum harsa tak kara ti an ni a ti a, Finance Department te pawhin sum harsatna avangin theihloh thinah an ngai tih sawiin an ngenna nasat em avanga pek an ni a ti.

Thuchhuah tarlan danin Sawrkarin sum harsa tak karah an DA zaa 4 a a tipung tur chu lawmawm an tih thu an sawi a, pension kum 62 chungchangah pawh hmasawnna a awm zel an beisei tih sawiin March ni 6 atanga ni 10 thlenga nawrh an tumna chu thulh a ni tih an tarlang bawk.

- AIR Aizawl

(Khawngaihin, Explore Mizoram hi mi dang i lo hmelhriattir zel dawn nia!)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)