Aizawl | March 13, 2023: Zirtawpni zan aţanga Darlawn GSA khelmuala ţan, Presbyterian Kohhran Hmeichhe Inkhawmpui lian vawi 50-na chu nizan khan a ţiak.
Inkhawmpui thupui "Pathian nena len dun" tih chu Speaker Rev. V.L. Luaia Hranleh, Executive Secretary i/c Kohhran Hmeichhia-in a sawi ţhin a. Zirtawpni zan kha Palai lawmna leh Report inkhawm a ni a. Vice Chairman Pi Vanlalhruai'in Pathian thuchah a sawi a, Inrinni nileng khan Darlawn Kohhran Biak Inah Rorel a ni a. Rorel hlan hian Pandal-ah inkhawm buatsaih a ni a, chawhmaah Boranpansuri-a evangelist Pi Saithangpuii Sailo-in Pathian thuchah a sawi a. Chawhnu-ah Thu zir inkhawm hmangin Pi C. Januari, Ramhlun South-in Nehemia Bu atangin Pathian thu a zirtir a. Zan lam Pathian Biak inkhawmah Rev. Dr. C. Chawnghmingliana, Synod Moderator-in Pathian thuchah a sawi thung.
Nimin chawhma leh chawhnu inkhawmah Inkhawmpui Lian thuhriltu Rev. V.L. Luaia Hranleh-in thupui a sawi a, chawhma inkhawmah hian Kristian Chhungkaw dinhmun tehna 'No Mawi' hlan a ni bawk. Nizan Pathian Biak inkhawmah Pi Sailuti, Chairman-in Pathian thuchah a sawi thung.
Inrinni zan dar 7-a palai thleng tawh zat an chhinchhiah chu mi 10,016 a ni a. Palaite kalna lirthei hi sumo 349 leh bus 237 tiamin a vaiin lirthei 823 hman a ni a. Inrinni zana inkhawm zat chu mi 9,654 an ni a, thawhlawm lakkhawm hi cheng nuai 1, sing 9, sang 9 leh 935 a ni.
Kohhran Hmeichhe inkhawmpui lian rorel palaite chuan Social media-a mawi lo taka hmeichhia (an tu leh fate) inlan ţhin lo tura inzirtir ni rawh se, tiin an rel. Presbyterian Kohhran Hmeichhe inkhawmpui lian chuan, rampum huapin hmeichhiaten puan bih uar tura inzirtir leh Pathian biak inkhawm uar tura inzirtir an rel a. He’ng bakah hian Nula, tlangval leh tleirawlte enkawlna kawngah ram pum huapa inzirtirna huaihawtte, ruihhlo leh mipat hmeichhiatna hman sualna laka tu leh fate an fihlum theih na’na ram pum huapa hmalakte an rel bawk a ni.
Kum 2022 Rampum Kohhran Hmeichhe Inchhiarnaah - Bial leh Kohhran mal zawmtu 216 an awm a, Kohhran leh Branch Church zat 976 an awm bawk. Chhungkua zawng zawng zat nuai 1, sing 1, sang 7 leh 455 an awm a. Nitin chhung inkhawm thei chhungkaw 81,030 (za zela 68 point 83) awmin, buhfaiţham tham ziah chhungkua nuai 1, sing 1, sang 6 leh 12 (za zela 98 point 54) an awm bawk. Kohhran Hmeichhe member hi nuai 1, sing 9, sang 2 leh 490 an awm a, Kohhran hmeichhe inkhawm thei lo kohhran 55 an awm bawk a ni.
Central Kohhran Hmeichhia hian kum 2022-23 chhunga Sum hmuh zawng zawng belh khawm chu cheng nuai 39, sing 7, sang 4 leh 73 a ni a. Inkhâwmpui Lian Budget 2023-2024 atan cheng nuai 44, sing 8 leh sang 9 ruahman a ni bawk a ni.
- AIR Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: