NANGMAH CHIAHIN I NUNNA THUCHAH I SAWI THEI

  _Hringnun i nun chhuahpui ngei tur_

— Rick Warren 

— March 14, 2023

“Lalpa thu chu nangmahni atangin a thang chhuak ta si a ... hmun tinah pawh Pathian lama in rinzia chu a thang ta a; chutichuan keinin engmah sawi reng a ngai ta lo!” 1 Thessalonika 1:8

Pathianin he khawvelah hian chhan neiin a siam che tih i hria em?  He khawvela midangte hnenah thuchah nangmah kaltlangin sawi a duh a. Chu chu nunna thuchah tih a ni.

Bible in 1 Thessalonika 1:8 ah chuan, “Lalpa thu chu nangmahni atangin a thang chhuak ta si a ... hmun tinah pawh Pathian lama in rinzia chu a thang ta a; chutichuan keinin engmah sawi reng a ngai ta lo!” a ti.

Heti hian i sawi a, “Hei hi ka nuna Pathian hnathawh a ni,” i tih hian i nunna thuchah i sawi tihna a ni. Chutiang bawkin, “Ka tawngtaia, hei hi a lo thleng" i tih hian i nunna thuchah i sawi a ni. Chubakah, “He harsatna hi ka tawk a, ka sual ve mek a, mahse Pathianin min pui,” i tih hian i nunna thuchah i sawi a ni.

I nun danglam bik thuchah chu nangmah chauhin i nunchhuahpui thei a. Midang tumahin an sawisak theilo che. I nunna thuchah hi i sawi loh chuan, khawvel hi bumin a awm dawn tihna a ni.

Pathianin hman che a duh. Engvangin nge?

Thuchah tha ber te chu mimal thuchahte an ni hlawm a. Thuchah nung tak te pawh mi mal bik kaltlangin a ni ṭhin. Ka lawmna em em chu Pathian hmangaihna thuchah a sawi duh khan, email kaltlangin a lo ti lova. Amah ngei a lokal a nih chu. Thu chu tisaah a lo chang ta. Isua Krista  he khawvelah a lokala Pathian chu engang mi nge tih kan hrethei a ni.

Pathianin khawvelah thuchah sawi duh a nei a, vana ziak mai lovin. Mimal kaltlangin sawi a duh a; nangmah kaltlangin sawi a duh a ni.

I nunna thuchah sawi turin mi famkim nih a ngai lo. Dik la, rinawm la, thutakah cheng la a tawk. Heti hian sawi ang che, “Kei chuan tih theih ka neilo, mahse Pathianin min tihsak a. Chu chu Isua Krista hnathawh danglamna a ni.”

Midang hnenah i nunna thuchah i nunchhuahpui loh chuan, an nuna Pathianin hna a thawh tur pawh an hrethei dawnlo a ni.

I nunna thuchah chu nangmah kha i ni a. Tudang mahin an puangchhuak thei lo. Chuvangin i nunna thuchah tur chu engnge ni ta ang le?

Ngaihtuah zui atan

* I nunna Isua Krista hnathawh danglam tak i nunchhuahpui na turah engin nge dal che?

* I nunah tuten nge beiseina thuchah mamawh? Engtin nge tunkar chhung hian anni hnenah chuan in nunchhuahpui zia i tarlan theih ang?

* I nunchhuahpui tum thilte chu inbuatsaihna neiin han ziakchhuak la. Krista i neih hma i nun te, Krista nangmaha a lo luh dan te leh Krista zuitu i nih hnua i nundan te ziak chhuak rawh le.

*[Lettu: Sangpuia]*