Agri Minister-in US-a thawn tur Mizo hmarchate vailiam; Mizo hmarchate Kg 7500 thawnchhuak!

Haulawng | March 14, 2023: - Lunglei, Siaha leh Lawngtlai District a kuthnathawktute tharchhuah Mizo hmarchate (Bird's Eye Chilli) 7500kg, Nevada, USA a thawnchhuahna program chu vawiin khan YMA Run, Haulawng, Lunglei District-ah neih a ni a. Agriculture Minister Pu C.Lalrinsanga chuan a Flag-Off a ni. 


Mizo hmarchate USA a thawn chhuah hi International Competence Centre for Organic Agriculture (ICCOA) leh Mission Organic Mizoram (MOM), Department of Agriculture te tangkawp hmalakna niin Mission Organic Value Chain Development for North Eastern Region (MOVCD-NER) hnuaia hmalakna a ni.

Flag Off puala inkhawm tawi Pu Vanlalthlamuana, Jt Director, Agriculture Department kaihhruaiah Agriculture Minister Pu C.Lalrinsanga chuan Mizo kuthnathawktute tharchhuah ngei USA market a thleng tur chu a lawmawmin a ropui takzet a ni tiin ICCOA, MOM leh Farmer Producer Company (FPC) te thawrimna leh inpekna rah a ni, a ti a. Mizoramah FPC hlawhtling taka kalpui mek ani chuan Cooperative Concept anga hnathawh a that zia a ti lang chiang hle a ni tiin kuthnathawktute hmasawn zelna turin Agriculture & allied Departments ten hetianga hmalak hi uar zawkin kalpui zel se a tih thu Agriculture Minister hian a sawi a ni.

Kuthnathawktute tharchhuahte State pawn leh ram pawna kan thawn zel theihnan an mamawh cold storage leh solar dryer te pawh ngaihtuah belh zel anih tur thu sawiin uar zawka biofertilizer hman anih theihnan Department chuan nasa takin hma a la mek a, Sihphir, Neihbawih ah Chemical tel lo Leitha OP12 Bio Fertilizer siam chhuah mek zel a ni, a ti. State intodelh kan nih theihna turin kuthnathawktute an pawimawh takzet a ni tiin taima taka hma lo la chhunzawm turin kalkhawmte a chah a ni.

Pu Manoj Menon, Executive Director, ICCOA pawhin thu sawiin Bird's Eye Chilli thawn chhuah tur sample chu uluk taka test hrang hrang paltlang niin Nevada USA ah Final testing neih a ni a, chemical engmah hmuhchhuak lovin Organic Standards Protocol test hi tha takin an paltlang a ni, a ti a. Mizoram sawhthing leh aieng te pawh demand a san thu sawiin state dang leh ram pawnah te thawnchhuak thei turin Farmer Producer Company (FPC) ten en hmalak tlan zel an tum thu a sawi a ni.

Pi PC Lalawmpuii, ICCOA chuan technical report a pe a. Mizo hmarchate (Bird's Eye Chilli) 7500kg thawnchhuah tur hi Lunglei, Siaha leh Lawngtlai District a Farmer Producer Company (FPC) 12 hnuaia kuthnathawktute tharchhuah a ni a. International Competence Centre for Organic Agriculture (ICCOA) leh Mission Organic Mizoram (MOM) te tangkawp hmalaknain Lawngtlai District-ah FPC 6, Siaha District-ah FPC 3 leh Lunglei DisExternal Audit of Organic Certification endikna vawi hnih hlawhtling takin an paltlang tawh a ni.

Hmarchate phurtu motor hian Visakhapatnam, Andhra Pradesh thleng phurin hemi atang hian USA ah thawn leh ani dawn a ni. Sus Agri Development Pvt Ltd, Bengaluru, Karnataka te nena tangkawpin USA ah thawnchhuah a ni.
- DIPR






(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post