Aizawl | March 21, 2023: MZP General Headquarters, Aizawl chuan vawiin chawhnu dar 1 khan an vice president Pu Andrew F Lalramnghaka hovin Mizoram Lokayukta Chairman Pu C. Lalsawta IAS (Retd.) a office-ah a hmu a. Mizoram a eirukna dona tura din Mizoram Lokayukta dinhmun leh a kalhmang a enfiah a. An harsatna hrang hrangte an sawipui.
Mizoram a eirukna dona tura din Mizoram Lokayukta chuan, tun dinhmunah beisei a phak lo nasa hle a. Danin a sawi angin an case dawnte chhuitu tur Enquiry Wing an neih loh avangin harsatna lian tak an tawk mek a. Loh theih lohna avangin Mizoram sawrkar Agency ACB an hman avangin duh angin an hnu chhuina kawngah an chak lo niin MZP chuan a hria a ni. A rang thei ang bera Enquiry Wing din turin MZP chuan sawrkar a ngen nghal a ni.
Lokayukta ah hian thawktu indaih lohna a nasa hle a, Act-in thawktu mi 93 awm tura a tih laiin tunah hian thawktu mi 42 chiah an awm mek a. Thawktu indaih lohna hi mi 49 lai a ni a. Tuna Mizoram Lokayukta a thawktu tam ber pawh department dang a mi deputation a pawh chawp leh Contract basis deuh vek an ni a. Thawktu thenkhat phei chuan hna tha zawk hmuh avangin an bansan fo bawk tih hriat a ni. Tuna Lokayukta awmdanah hian Eirukna do tak tak tura beisei chi niin a lang lova, ngaihsak an tul takzet niin MZP chuan a hria a ni.
Tunah hian Mizoram sawrkarin Lokayukta dan siamṭhat a tum mek niin hriat a ni a, he dan hi siamṭhat a nih pawhin a nih tur ang a kalpui hi MZP chuan a duh takzet a. Mite ber atanga Chief Minister thlenga chhui thei tur leh, eirukna a inhnamhnawh tu pawh hremna pe thei tur a thuam chak hi MZP chuan a phut tlat a ni.
MZP chuan Mizoram a eirukna leh lemhletna dona atan Mizoram-ah Lokayukta hman a nih theih nan kum 2012 aṭang khan hma a la tan a. Kum 2014-a Mizoram Lokayukta Bill Mizoram Legislative Assembly-in a passed pawh khan beiseina sang tak nen a thlir a. Kum 2019 aṭanga function anih aṭangin beisei a phak tawk lohna awmte pawh siamṭha turin MZP chuan Mizoram sawrkar a ngen takzet a, a tul angin MZP chuan a enzuiin hma a la zel dawn, niin thuchhuah siamin an tarlang.
.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: