Aizawl | March 7, 2023: African Swine Fever (ASF) vawk pulhri chu Mizoramah a leng ţan leh ni a hriat a ni a, kum 2021 a len ţanna Lunglei district-a Lungsen khua a vawk engemawzat thi chu he vawk pulhri vang hi a nih rin a ni.
Kum 2021 March thla a ASF leng avanga vawk thih ţanna leh vawk chan tamna khua Lungsen a vawk vulhtute chu tunlai hian an mangang leh ţan hle. Kum 2021 a nasa taka ASF in an vawk vulhte a suat sak hnuah Lungsen mipui te chuan beidawng duh lovin hma thar an la chho leh mek a, vawk vulh pawh ţhahnem tak an awm leh tawh a. Hetihlai hian tun hnai mai khan Lungsen khaw chhunga vawkpui rai lai, vawkpui no hruai leh vawk note an thih leh tak pheuh pheuh avangin vawk vulhtute an mangang ru hle ni a thudawn a ni.
Hemi chungchangah hian Tlabung Senior Veterinary Officer Dr. K. Lalhlimpuia chuan kum 2021 a ASF hri len laia vawkte kha suat vek an nih loh avang leh vawk dahna in tihthianghlim ţhat tawk loh awm palh thei a nih avangin ASF hi a la cham a nih an rin thu a sawi a. A hma ang em em kha chuan a thih puk puk tawh loh chu an beisei thu a sawi a, tuna Lungsen a vawk thi te hi ASF ni ngeia an hriat thu a sawi .
Tunhnaia vawk thi a awm leh zeuh zeuh avang hian Lungsen-I Village Council chuan khaw dang atanga vawk la lut rih lo turin mipuite ngenna a ti chhuak tawh a. Lungsen a vawk thi awm leh ta zeuh zeuh chu AH and Vety Department pawh in ngaihven nghalin vawiin khan Mobile Veterinary Unit (MVU) team chuan Lungsen an pan nghal a, theihtawp chhuah nghal an tum a ni. Khua a lum chhoh leh tak avangin kum 2021 ang tho khan vawk hri hi a leng leh vak mai ang tih hlauh thawnna nen Lungsen mipuite an awm mek niin Lunglei a kan Correspondent chuah a sawi a. Khami tum a an vawk zawng zawng an chan pawh zangnadawmna engmah an hmuh ve si loh avangin a thlawnin an chan nawn leh ang tih vawk vulhtute chuan an hlau hle niin an sawi.
Kum 2021 kum bul lam aţanga ASF vawk pulhri len ţanna Lungsen khua-ah vawk 800 dawn a thi a. Mizoram pumpui-ah chuan kum 2021 khan he vawk pulhri avang hian vawk 33,000 chuang a thi niin sorkar chuan a chhinchhiah a. Nikum kum bulah leng ţan lehin vawk 11,600 bawr vel a thi leh a. Hri leng darh zel lohna atan vawk sing khat chuang suat a ni bawk.
- AIR Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: