LMC inthlan atan MNF inbuatsaih; LMC seat 11 awm chu lak vek an duh!

Aizawl | March 7, 2023: MNF President, Chief Minister Pu Zoramthanga chuan an party chuan Lunglei Municipal Council inthlan lo awm tura candidate engemaw zat an ti fel tawh tih sawiin sawrkarna an siam ngei an beisei tih a sawi.

Nimin aţanga Lunglei tlawha zin mek Chief Minister chuan vawiin khan Lunglei Hnam Runah party hrang hrang atangin MNF-ah mi thar 101 a lawmlut a. Campaign hun laiin sorkar ngei turin nasa takin ţan an la dawn a ti a, LMC seat 11 awm chu lak vek an duh tih sawiin MNF chu party entawntlak ber an nihthu leh hnam thuthlung meichher vuan tlat tu an ni tih a sawi. Chief Minister chuan MNF-in zalenna an sual tak tak lo titute an awm thin a ti a, March ni 5, 1966-a thil thleng chu a rei tulh tulh anga thangtharten hre rengin, Mizo nationalism an chawisang zel dawn tih a sawi bawk.
MNF Adviser leh Health Minister Dr.R.Lalthangliana pawhin thu sawiin Lunglei tihhmasawnna leh thanna tur ngaihtuahin kum 2007 MNF sorkar laia ruahmanna an lo neih tawh LMC a taka alo awm thei tur chu lawmawm a tih thu a sawi a, Thalaite infiamna leh awmze neia hmasawnna hrang hrang a lo lut dawn tih sawiin a nih dan tur anga kalpui thei tur MNF candidate thlang tling ngei turin mipuite a sawm.
 Hetihlai hian BJP Mizoram unit thupuangtu Pu K. Laldinthara chuan Lunglei-ah chanchinbumite kawmin LMC inthlan lo awm turah BJP chuan seat 11-ah Candidate siamin an chuh kim vek dawn niin a sawi a.  BJP thupuangtu hian Candidate te hming hi reloteah puan a ni ang tih sawiin he LMC inthlanah hian BJP te Lunglei mipuiin an thlantlin chuan Prime Minister Narendra Modhi hian Lunglei hi a ngai pawimawh dawn a, state sorkar tih theih loh tam tak hi a rawn ti ang tih hi ka sawi ngam a ni a ti.
 LMC inthlanna hmasa ber hi March ni 29 khian vote thlak tur a ni a. Chuh tumte tana hming pekluh theih hun chu Zirtawpni thleng chauh a nih tawh laiin vawiin thlengin chuh tuma hming pelut an awm lo niin official-te hnen aţanga thudawn a ni.



(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post