LMC inthlan atan party pali in candidate puang tawh

Aizawl | March 9, 2023: Lunglei Municipal Council (LMC) inthlan lo awm tur atan vawiin thleng khan political party pali in an candidate hming an puang tawh.


March ni 29-a Lunglei Municipal Council (LMC) inthlan lo awm tur atan political party pali in an candidate hming an puang tawh.

LMC inthlanna turah hian nimin khan Congress party chuan an candidate turte an puang a. Vawiinah hian rorellai MNF, ZPM leh BJP-te chuan an candidate turte an puang a. Congress, MNF, ZPM leh BJP te hian bial 11 an chuh kim vek dawn a. PC Party erawh chuan LMC inthlanna-ah hian chuh ve an tum loh thu an puang a. An party mite chu an bial a in candidate-te zinga ţha an tih ber thlang mai turin zalenna an pe niin an sawi. Bial 11 zinga bial 4 hi hmeichhe candidate tana hauh bik a ni a. Candidate hi puang vek tawh hlawm mahse vawiin chawhnu dar 3 thleng khan chuh tum hming pelut an la awm lo niin thu dawn a ni. Naktuk tlai dar 3 hi chuh tumte tan hming pekluh theih hun hnuhnung ber a ni.

LMC inthlan turah hian Electronic Voting Machine hman a ni dawn a, polling station 44 ah vote thlak a ni ang. Naktuk tlai dar 3 thlenga nomination lut te hi March ni 13 ah endik tur niin March ni 14 tlai dar 3 thleng inhnuhdawh theih ani dawn a. March ni 29 zing dar 7 atanga tlai dar 4 thleng vote thlak tur niin April ni 3 ah vote chhiar a ni dawn a ni.
- AIR Aizawl


(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post