Aizawl | March 9, 2023: Baptist Church of Mizoram rorelna sang ber, Assembly vawi 127-na chu BCM Biak In, Salem vengah nizan (Nilai zan) atang khan ţan a ni.
BCM Assembly hian Pathianni zan thlenga awh dawn a. Vawiin chawhma dar 10 atanga ţanin Assembly Rorel chu Inrinni tlai thleng neih a ni ang a. Pathianni chawhma ah Pastor nemnghehna inkhawm a awm ang a, chawhnu lamah Lalpa Zanriah Inkhawm buatsaihin, zanah Pathian Biak inkhawm awm lehin Assembly hi a tiak ang.
Tun tum Assembly ah hian Palai thei tura inhriattir mi 1,621 awmin, chanchin buatsaih lai thleng hian palai thleng tawh in report mi 1,316 an awm a, kohhran pawl dang leh ram dang atanga palai mi 20 an awm bawk.
vawii Rorel inkhawm hi BCM President thar Rev. KV Thanga’n a kaihruai a. Vawiin rorel inkhawm ah hian kum kal ta nikum Assembly leh Kumin Assembly inkara Pastor pakhat leh upa 84 chatuan ram pan ta te sunna hun neih a ni.
Agenda ngaihtuah a nih hma in Report hrang hrang ngaihthlak a ni a, chung zing ah chuan- Mizoram Baptist kohhran ah tualchhung kohhran 680-ah member nuai 1, sing 7, sang 6 leh 404 an awm mek a, Missionary 1,300 mission field hrang hrang ah an thawk mek a. April 2022 leh February 2023 inkar, thla 11 chhunga thawhlawm lut tawh zat cheng vaibelchhe 76, nuai 2, sing 3, sang 1 leh 59 a ni a, kum kal lai target khum tawhin, Target khumna hi cheng vaibelchhe 36, nuai 5,sing 8 leh 476 (za zela 96.30) a ni.
Vawiin rorel ah hian President-elect atan Rev. F. Ramdinmawia, Shillong Pastor bialtu chu thlan a ni. Assembly Nomination Committee in Assembly Committee peng hrang hranga member tur a ruat te, auditors ruatna leh palaina tur hrang hranga palai tur a ruat te pawm a ni bawk. Zomi Baptist Churches of America (ZBCA) nen thawhhona neih te, Chin Baptist Association of North America nena thawhho dilna te remtiin pawm a ni a, Baptist Mission School, Chawnpui Tlabung High School-a hlankai rawtna te pawm a ni bawk.
BCM hian Assembly apiangin President Elect, BCM Assembly lehpeka BCM President tur an thlang thin a. BCM ah hian President hi hotu lu ber ni mahse, thuneihna tak tak erawh General Secretary kut a ni thung.
- AIR Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: