Lawmman dawngtu chuan lawmna a nei ṭhin tih hi internet pack nei lo pawhin kan hre vek ang; mahse, lawmman dawngtu chuan a dawn loh lai pawha lawmna neih a zir tel bawk loh chuan lawmman chu a duh belh zel a, eng anga tam lawmman pawh lain hmingthang mah se entawn tlak a ni ngai lo.
%20(4).jpeg)
Lawmman aia lawmna ngai pawimawh hmasa zawktu erawh chu Remruattu chuan a hmuh hmaih lo va, lawmman chhe tê mah dawng dawn lo mah se a chan tawkah lawmna a neih tlat avang chuan lawmman bakah lawmman aia ropui chuan a hmuak a, eng tik niah emaw vanneihnain a chungah thla a zar nge nge ṭhin a; a zar mai ni lovin a zap hluau hluau hial ṭhin.
Chuvangin van hmun ropuia kan chhawm chhoh reng reng loh tur lawmman um lovin lawmna um ila, mi dang lawmna lawmpui thiam ila, lawm zel chîngtu kan nih chuan lawmna chu ṭiakin a la pâr ngei dawn a, chu chu lawmman aia a hlutzia leh lungawina thlentu a nih zawkzia kan hre tawh ang.
Mahatma Gandhi hming hi khawvel awm chhunga a reh tawh ngai loh chhan tur chu a tan bakah mi dang tan, a ram tana lawmna tur thil lawmawm sual chhuah tuma a beih vang a ni; a lawmman lak kan zir kan zir ngai hran lo va. Nobel Peace Prize dawng thei tura vawi tam chhawp chhuah a nih pawhin ani aia phu hre lo mah ila lawmman a dawng ngai lo! Mahse, lawmman beisei hauh lova 'Simple living high thinking' nunpuitu chuan lawmna zawk a zawn zel avangin a ni a hming a daih tawh dawn loh ni.
Khawvel mihring piang tawh zinga hausa ber, a aia hausa awm tawh lo tur Solomona meuh pawh kha hausakna leh ropuina zawng zawnga thuam a nih khan tuktinpâr pakhat pawh zuk han tluk lo a! Mahse, tuktinpâr aia mâwi zawk ve lehchhawng chu 'Lawmnaa khat rilru thianghlim' zuk han ni leh tlat pek a!
Chuti a nih chuan, lawmman nge lawmna i thlan hmasak ve dawn le?
~ Pu ZoVa🖊️
Electric Veng, Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: