Aizawl | March 7, 2023: Vawiin chawhma dar 11 bawr vel khan Kelkang bul, Dilkawn khua (Champhai District) ah bungraw engmah chuh hman lohin chenna In 5 a kangral vek a, vanneihthlak takin mihring thi leh hliam erawh an awm lo.
Kangmei hi chhun dar 12 vela chhuak tan a ni a, Dilkawn Bangla venga Pu Remruatpuia in atanga chhuak ni-a hriat a ni a, kangmei chhuah chhan tak hi hriat theih a ni lo.
Vawiin khan Dilkawn khua hian lo an hal a, an lo hal-ah mei an tihchhuah palh avangin ram tang rual mipa chu ram lamah kang thelh tura an chhuah deuh vek avangin In kang hi an thelh mit lawk thei lo a, kangmei hian In dang 4 - Pu Lalrosiama, Pu Romana, Pu Liantluanga leh Pu Laltlanzauva-te in chu man kaiin heng in 5-te hi bungrua engmah chuh hman lohin a kang ral vek a ni.
Vawiin chawhnu herah khan Champhai district a Dilkawn khua, Champhai atanga km 23-ah kangmei a chhuaka, chenna in 5 chu bungrua engmah chuh hman lovin a kangral vek.
In kang neitute hi Pu Remruatpuia, Pu Lalrosiama, Pu Romana, Pu Liantluanga leh Pu Laltlanzauva te an ni a. Pu Remruatpuia in aṭanga kangmei hi inṭan ni a hriat a niin kangmei chhuah chhan dik tak hi hriat a nih loh thu Dilkawn VCP Pu Lalbetluanga chuan a sawi. Dilkawn khua hian vawiinah an thlawhhma thar tur an hal a, an lo hal hi an chhuah palh avangin mipa kum 13 chin chunglam leh hmeichhe puitling chin a thei apiang kangmei thelh turin an lo halna lamah an liam deuh vek a. Puitling chin an awm loh hlanin an khuaah kangmei hi a chhuak ta a. Hetih mek lai hian an khaw ṭhenawmin tunkar tawp tawp lamah lohal an tum vangin meilam sialin puitling chin ram lamah an thangbo hlan a nih bawk avangin Dilkawna kangmei thelh hna hi a kal chak thei lo a. He kangmei avanga hliam leh nunna chan an awm hriat a ni lo.
Vawiin chawhnu khan Champhai District Disaster Management Committee hotute Dilkawn khuaah kalin ţanpuina awm thei ang angte an hlan a. Dilkawn khawtlangin kangmei tuarte ţanpuina thawmhnaw leh bungbel te an dahkhawm mek bawk. Naktukah kangmei sulhnu thianfaiin khawtlangin an hnatlang anga, chenna in chan tate in tundin dan tur chu la ngaihtuah leh tur a nih thu VCP in a sawi a. Kangmei tuarte chuan zanin lamah an chhungkhat laina te an bel phawt dawn niin VCP chuan a sawi bawk.
- AIR Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: