Chhim Lungawilohna punkhawm Lunglei-ah

Aizawl | March 7, 2023: Chhimbial Chhantu chuan vawin khan HPC Vice Chairman Office kawtah 'Chhim Lungawilohna punkhawm' an  buatsaih.


Chhim Lungawilohna punkhawmah hian Chhimbial Chhantu President Rev. F. Sangvela chuan thu a sawi a, Congress Sawrkarin Lunglei Bypass Road siamna atan Cheng Vbc 10 an dah laia tun thlenga hmalakna awm lo leh Lunglei khawpui chhung kawng siam nan hman a ni ta mai chu kan Sorkarin chhimlam a ngaihthahna a ni tiin, kum 2019-ah Chhimbial Chhantu hruaituten Chief Minister an hmuh thu leh C.M. hian "Nuai Sangkhatin a daih dawn lo a, Nuai Sangthum chuang a ngai dawn a, dah belh zel a ni dawn," tiin a sawi a. A thurawn angin PWD Lunglei lam hotute pawh an sawipui thu a sawi. PWD lam pawhin engemaw chen hmalakna an nei hman tih Chhimbial Chhantu President chuan sawi bawkin sum awmsa hian a theih chin chinah hmalak nise an duhthu leh a bak chu sawrkarin tihdan a ngaihtuah leh zel turah an ngai tih a sawi.


He hun hmanpuitu ZPM MLA, Dr. Vanlalthlana pawhin thu sawiin, Lunglei By Pass Road chu Lunglei lam MLA te pawhin vei ve bawk mahse tanrual leh na taka auchhuahpui an harsat a ni, tiin Lunglei By Pass Road siamna tura sum dah sa, khawpui chhung kawng siam nana pawhpen kher chu mak a tih thu leh an duhna-ah chuan sum an hman theih reng laia By Pass Road siamna tur sum an pawt peng kher chu hriatthiam chi a nilo a ni, a ti.


He hun hi Chhimbial Chhantu Secretary Eric Zomuanpuia'n kaihruaiin, MZP Hqrs Lunglei President bakah, Lai Students' Association General Secretary te pawhin thu an sawi a, Lunglei By Pass Road siamna tura Congress Sawrkarin Cheng Nuai Sangkhat alo dah tawh chu a hmanna tur dik tak a hmang ngei tura sawrkar an duhthu an sawi a ni.

- Kiddy Vanchhawng | MSR


(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post